今個新年，Miffy將會登陸太古城中心，並聯同商場為大家帶黎唔同既新春活動，等大家新一年都可以有個美好既開始！唔理你係唔係Miffy既粉絲，都可以係2023年1月6日至2月5日間去到太古城中心，享受依個節日活動！
過節必備禮品
新年期間，Miffy除左會以活潑可愛既賀年造型係太古城中心出現，更加會係利是封上面出現！一套兩款既限量又限定既Miffy利是封套裝，一款為傳統中式設計與Miffy既交融，配以燙金花卉及蝴蝶等喜慶吉祥元素，另一款則以可愛風格設計，Miffy既耳朵旋成為「主角」，背面亦配有燙金凸印既中式燈籠，可愛爆燈！利是封套更會以喜慶既鮮紅色配上耀眼奪目既金色，帶有凹凸觸感，搖身一變仲可以作為門掛！
除此之外，太古城中心亦為大家準備左各式各樣既糕點，等大家可以順利招呼客人！其中包括：中式年糕連普洱套裝、年糕配搭解膩清茶、APITA賀年禮品套裝、日式蛋糕、比利時朱古力等等，應有盡有！大家係推廣期內於場內購物滿指定金額，就可以換領Miffy祝福盛放利是封套裝、西苑新春美食套裝或APITA賀年豐賞禮，開開心心過兔年！
5大打卡點
花園既入口，大家將會見到高達6.5米高既「Miffy幸福熱氣球」以及充滿荷蘭風情既「歡樂版畫風車屋」，係另一邊既風車屋，亦會有Miffy作者Dick Bruna親筆簽名版畫，打卡之餘，仲可以等大家了解更多Miffy既成長背景同作畫理念！
如果想同Miffy一齊盪韆鞦都冇問題，大家係盪韆鞦既同時，唔好唔記得都同Miffy影返張合照！
玩完盪韆鞦，大家仲可以同Miffy玩捉迷藏，到時Miffy將會著住賀年衣飾並係兩邊花園不同既角落等大家捉佢！捉到都記得影相留低作為紀錄！
下一站，大家可以去到桃花林，當中大家將會見到滿滿既桃花！聽講圍住轉圈，加上Miffy既加持，新一年除左桃花滿滿，仲可以心想事成！
最後，大家仲可以同心愛既人一齊牽手走過有住兔子耳朵造型既桃花隧道，迎接美滿幸福既新一年！
新春期間限定店
太古城中心同期亦會開設「Miffy 新春期間限定店」，當中擁有超過三百款既精品，更加有部分精品首次登場，唔理係Miffy既粉絲，定純粹想入手兔年應節精品，依個新春期間限定店都可以滿足到你既需要！
