依家就連國際級影帝人馬都已經黎到左Disney+，無論係已經上線既《賭命為王》，定係將會係12月28日首播既《噬亡村》都會有唔同既巨星助陣，想要追劇又點可以唔知劇集講緊咩！一齊黎睇下兩套劇既重點！        

兩大星級陣容加持

唔理係邊套劇集，都有住充滿星味既主角班底！《噬亡村》將會有以14歲之齡刷新最年輕康城影帝紀錄既柳樂優彌化身為劇中主角，並有住吉岡里帆依位充謎樣氛圍既魔性女，破壞力及存在感既演技。當中更有山本晃久出任監製，編劇大江崇允撰寫劇本，以及導演片山慎三執導。

《賭命為王》則以曾奪韓國三大電影獎項既最佳男主角崔珉植作為主角，同時更有《我的出走日記》孫錫久、《炸雞特攻隊》李東輝、《魷魚遊戲》許城泰等聯合主演，等大家隔住螢幕都感受到滿滿既星味！《賭命為王》將會由姜允成執導，加上豪華的演員陣容、製作預算 ，整套戲集定必十分吸引！

「人吃人」的社會課題

兩套劇將會以唔同既故事去講述現今既「人食人」現象，並藉此進一步探討社會課題。《噬亡村》講述遭逢家庭鉅變既男主角，捲入山間傳統家族食人習俗之中，當中男主角調查而揭開既「食人」真相，成為主要故事脈絡，以人食人文化傳統與現今開明社會之間既道德倫理對立衝帶出討論空間。

而《賭命為王》將會講到誰大誰惡誰以及有錢先可以係「人食人」既現今社會當中保命既觀念，並不惜一切代價都要登上賭王之位以求保命，等觀眾自行思考係人性心中所想定或是為勢所迫。

隔空比併演技

《噬亡村》將會保持日式作品一貫既收斂手法，配合以沉鬰演出為名既柳樂優彌。由柳樂優彌飾演既警察與外界隔絕既深山神秘傳統家族互相猜忌、拉鋸攻守既情節，平靜但實則危險四伏，步步驚心既情節。

《賭命為王》中，崔珉植會再次展現出《原罪犯》既剛烈火爆，唔理係賭場內外複雜既人物關係網，定係一連串火爆情緒既表演，大家都定必感受到崔珉植既韓式狂放！

取景帶出真實感受

《噬亡村》取景自深山，當中重重迷霧加上鬱鬱綠叢，將以食人傳統習俗為主線既故事所展現出既抑壓及神秘感，以最大程度放大。

《賭命為王》則取景自菲律賓糜爛不堪既街道以及繁華至極既賭場，呼應男主角既命途，配以劇情既緊湊，相信大家一開始睇就唔會想停落黎！