Aerosim近日宣布再度舉辦「全港校際航空比賽2023」，藉此發掘及培育航空界既明日之星。如果各位中學生對於投身航空業有興趣既都唔好錯過，比賽當中即使未能勝出，亦可以學習到唔同既飛行知識，對將來十分有用！ 

全港校際航空比賽2023

繼「全港校際航空比賽2022」廣受好評之後，Aerosim加推第二屆「全港校際航空比賽2023」，勝出者將有機會親身到澳洲接受10小時訓練課程，獲取寶貴的飛行經驗，而其他優異隊伍則有機會參與「一日機師」體驗活動，以及前往澳洲參觀航空展，比賽依家已經接受報名，截止日期為2022年12月31日。

而今年亦會有全新賽制，全港中學生可以四至五人一隊參與，比賽接受學校團體報名或個別學生於網上自行報名（報名費用為港幣2,200元）。而每階段獲勝既參賽者可以獲得難能可貴既航空相關體驗，以及豐富的獎品。比賽期間，每位隊員將獲安排接受多元化既網上課程及培訓，當包括一年Jeppesen Private Pilot Online Part 61（Part 61）航空課程訂閱、Aviation-STEM線上教程（共十二小時）及Aviation-STEM工作坊﹙一個半小時﹚。

比賽將會分三階段進行，第一階段既滑翔機模型設計專題研習及真實飛行挑戰；第二階段既基礎飛行理論筆試；總決賽則會接受模擬飛行挑戰作最後定奪。去到總決賽既各位同學，仲可參加額外兩小時既模擬飛行訓練工作坊。

除了基本課程外，參賽隊伍如有興趣進一步學習更多有關航空知識及培訓，更可選擇額外報名參與航空青年導師計劃（額外報名費用每隊港幣9,000元），接受四小時模擬飛行訓練及三小時既STEAM Project專人指導，以及由香港科技大學教授進行飛機模型分享環節等。

模擬飛行訓練體驗

今次既「學與教博覽」，Aerosim將會四度參展並再次為大家帶黎模擬飛行航空訓練，同時堅信模擬飛行航空訓練能夠被納入校本課程校本課程以及大量應用STEAM理論，除左可以訓練學生既批判性思考、解難能力及溝通技巧外，仲可以等學生係STEAM學到既野加以實踐，做到融會貫通！

Aerosim執行董事潘志康先生指出：「每年參展『學與教博覽』推廣航空教育已變成Aerosim必須實踐既使命，近年學習模式由『知識導向』漸轉為『應用』甚至『職業導向』，令到辦學唔再只係『教書』，唔少學校為左開拓學生視野，全方位認識航空業及未來發展，亦會接觸Aerosim以提供更多元化既教學。」