今個聖誕新年假期期間，黃埔天地將會化身為荷蘭聖誕玩藝小鎮，唔理係玩遊戲，打卡定係自行玩手作，依到都可以滿足到你！當中更融合荷蘭既傳統特色，令成個小鎮洋溢住荷蘭聖誕既氣氛！

2大打卡點

黃埔天地將會為大家開設兩間以梵高著名之作為主題既打卡房，並係分別為《星夜》及《在阿爾的房間》加入聖誕元素，等大家即使係聖誕都可以欣賞到藝術足跡。《星夜》作為梵高最受歡迎畫作之一，黃埔天地亦特意在雪地氛圍下加上星光投影效果，等大家更投入係梵高既意象世界之中；《在阿爾的房間》則複製梵高係阿爾勒時既卧室模樣，並透過擺放睡床及書桌等復古傢俱，重現畫作當中既場景，用黎打卡簡直就係冇得頂！

3大遊戲區

黃埔天地同期亦為大家帶黎唔同既荷蘭遊戲，令依個荷蘭聖誕玩藝小鎮更加真實貼合荷蘭當地既聖誕情況。其中包括：外型以傳統荷蘭芝士為主題既「芝士跳彈床」，啱曬一家大細係今個聖誕假期去開開心心蹦跳玩下之餘，又可以藉此放鬆一下。

「推冰壺」則可以等大家以分組形式用紅藍色冰壺對壘，當中既比拼都相當刺激，同時總得分較高既隊伍更加可以獲贈小禮物.。

「荷蘭桌上沙狐球」相信大家可能比較陌生，不過玩法都好簡單，玩家只需要將木製圓盤滑入得分框，成功拎到指定分數既參賽者就有機會得到小禮物作為獎勵。

木屐手藝工作坊

而係指定時段，荷蘭聖誕玩藝小鎮更加會開設荷蘭木屐手藝工作坊，大家亦可以藉此創作屬於自己既荷蘭小木鞋，並油上喜歡的色彩以及貼上自選花紋貼紙，作為節日紀念小物。只要顧客係黃埔天地任何商舖以電子貨幣消費滿$400或以上，並附有即日單一電子貨幣付款存根／交易紀錄頁面及對應商戶同日之單一機印發票，就可以換領工作坊名額一個，不過數量有限，換完即止。