《SUPER JUNIOR: THE LAST MAN STANDING》今次一口氣全數兩集同步上架，當中更記錄低唔少Super Junior以往發生既重要事件，由練習生時期直至後來既「仁川大戰」都有，各位粉絲又點可以錯過！      

艱辛的練習生時期

眾所周知，韓國既練習生時期為期唔短，亦都相當辛苦，Super Junior既成員平均經歷3.5年練習生時期，其中隊長利特更加長達6.5年，每日練習時數以10小時計，最終成為韓流頂級天團領軍人物既佢地，當中既努力大家都可以係《SUPER JUNIOR: THE LAST MAN STANDING》到睇返！

活躍成員減少

成員變更係唔少韓團都會遇到既問題，當中中國籍成員韓庚向法院提出終止合約、金起範因為想專注演員工作而退出偶像團隊、強仁因多次醉駕出事後逃逸而被粉絲勸退、晟敏因突然爆出結婚一事影響團隊宣傳而被粉絲抵制等等，但係佢地都成功以無比的實力及毅力挺過。而今次係《SUPER JUNIOR: THE LAST MAN STANDING》之中，佢地唔單止冇避開唔講，反而作出了相關既回應。

E.L.F.變得更加團結

今次係《SUPER JUNIOR: THE LAST MAN STANDING》之中，將會記述成員希澈同圭賢之前曾經發生過既嚴重車禍，其中希澈經過手術後被評為肢體殘疾4級，達至免除兵役既程度，並被醫生警告呂可以再跳舞及乘搭長途機，以免殘廢。

另一段回憶就係利特、神童、銀赫以及圭賢完成電台節目通告後發生既嚴重車禍，其中利特額頭及腰部受傷位置合共縫上180針；圭賢更加因為肋骨骨折刺中肺部引致氣胸重傷，二人皆被醫生評為可免除兵役，不過即使係咁，希澈以及圭賢堅持參與義務替代役，贏得不少韓國國民掌聲，而兩度以為會失去偶像既粉絲E.L.F.變得更加團結！

「仁川大戰」

當時Super Junior係仁川演出，利特與希澈二人卻係後台口角，繼而動手。當時利特向希澈揮拳，希澈要回擊個時，利特卻哭道：「你知道我的心情嗎？」二人隨後上台背對背演唱，全程零交流，一度成為K-pop界名場面，更冷戰長達3個月，好彩後黎二人坦誠相對，告一段落，慢慢亦演為韓流中最長壽及團結既男團之一。