1月19日至2月26日期間，Mikiki及屯門卓爾廣場將會繼續同Kakao Friends聯手，係今個新年以及情人節舉辦多個活動，無論係打卡，工作坊，大抽獎樣樣都有齊，哪怕你想行街，都滿足到你，一連串既活動應有盡有！
「韓遊假期大抽獎」
1月19日至2月26日期間，大家只需要做齊以下三樣野，就可以獲得一次「韓遊假期大抽獎」既抽獎機會！
- 讚好Mikiki／卓爾廣場Facebook專頁(@Mikiki／@ChelseaHeights.HK)／追蹤 Mikiki Instagram 帳戶(@mikikimall)
- 於Mikiki或卓爾廣場場內「KAKAO FRIENDS 韓遊假期」主題裝置打卡及完成 Facebook／Instagram Check in上載照片
- 親臨Mikiki或卓爾廣場由在場工作人員登記成為The Point會員及「免觸式泊車服務」
結果將會係3月14日公佈，獎品更加係韓國首爾雙人來回機票一套（總值港幣$7,000）！
人氣角色來港
Kakao Friends既人氣角色Muzi將繼元祖成員Ryan，將會係1月29日黎到Mikiki地下中庭到同大家見面。只要你係The Point會員，並係活動當日以電子貨幣單一消費滿HK$200，就可以同Ryan合照一張，不過名額有限，大家想影相就記得要快手！
韓式D.I.Y工作坊
The Point會員更加可以憑100積分及即日電子貨幣消費滿HK$300，去換領「貝母七層石塔明信片」D.I.Y 工作坊入場證，盡情發揮你既創作力！有興趣既各位The Point會員，可以係1月28日去到Mikiki地下中庭以及1月29日去到卓爾廣場地下中庭參與！
The Point會員獨家換領
The Point會員亦可以到Mikiki、卓爾廣場地下顧客服務中心及錦薈坊二樓顧客服務中心換領Kakao Friends系列既旅行主題禮品，其中包括：以10,000分＋即日消費滿HK$500換領便攜式耐熱水樽／Choonsik 環保購物袋；以15,000分＋即日消費滿HK$500換領旅行收納袋；以20,000分＋即日消費滿HK$800換領U型頸枕。
Mikiki 5大打卡位
第一站就緊係要去6米高既「Ryan 暢遊 N 首爾塔」，塔頂之中既閃亮燈泡搭配上冬日佳節，真係會擁有雙倍既浪漫氣氛，咁多位情侶記得一齊去打卡影相！
「Apeach 心鎖橋」則可以等大家用橋以及後面既大型心心作為背景，去影返張人人見到都會like既相！
「Muzi & Con 玩轉南大門」則會以傳統國寶級建築南大門為概念，為大家獻上韓國別具歷史意義既一面，大家都記得去同淘氣鬼馬既Muzi同Con一齊影返張合照！
「Choonsik 小食檔」充滿住唔同既韓國街頭地道小食，包括：辣炒年糕、芝士熱狗、椪糖、紫薯等等，而到左指定週末及公眾假期，小食檔更加會變成遊戲攤位，為大家大派特色小禮物！
Mikki既最後一站，大家可以去到「Neo & Frodo、Jay-G、Tube購物大道」。當中除左會有Jay-G營運既精品咖啡店、時尚達人Neo同本命CP Frodo既時裝店，仲有Tube主理既韓風自拍照相館，就算大家想即影即有都冇問題，而且唔洗錢！
卓爾廣場 3大打卡位
而去到卓爾廣場，首先要介紹下五彩繽紛既「Apeach 風車小屋」，Apeach係巨型風車屋隔離落力賣萌，咁得意，冇理由唔去搵佢影返張相既！
「Neo & Frodo 港口公園」帶俾大家非一般既韓國之旅，行完去區內秘景港口公園，再到彩色漁港遊覽一番，享情係假日之中享受悠閒時光！
「Ryan & Choonsik 休憩站」專情為大家打造文青感滿分既休憩區，大家更加可以係油色韓系木椅上稍作休息，除左休息，拎黎影相都一流，洋溢全滿滿既文青感！
