今個春季，法國年輕時裝品牌 SPORT b. 將會破天荒同美國帽牌巨人 New Era 進行跨國合作，推出意想不到既「帽子戲法」，有經典Dino恐龍刺繡帽型，亦都有 SPORT b. x New Era 漁夫帽，買黎珍藏都唔錯架！    

支持可持續發展

New Era 唔少帽款都用到美國環保專利物料 REPREVE 製作，主要由膠樽或廢物轉化而成，布料耐用抗磨既同時輕盈透氣，戴成日都唔會覺得侷促，環保得黎又舒服！今次 SPORT b.同 New Era 合作亦係希望由產品著手，透過採用環保物料製作，藉此繼續支持可持續發展，為未來出一份力！

經典Dino恐龍刺繡帽型

今次 SPORT b. x New Era 9FORTY 帽款（三款均為HK$450）除左會有雙色綑邊既經典Dino恐龍刺繡，帶出調皮可愛既形象，亦會係左右兩側繡上 SPORT b. 及 New Era 既品牌標誌。帽款版型挺身，仲可以幫你修飾面型輪廓！驚大小唔啱，會戴得唔舒服？後端開孔設計，絕對解決到依個問題！有黑色、淺卡其色及紫色，有個性又係潮流達人既你，一定係買返頂黎戴出街頭時尚風格！

SPORT b. x New Era 漁夫帽

作為山系造型必備配飾之一既漁夫帽，SPORT b. x New Era 漁夫帽（三款均為HK$490），緊係會有長帽簷遮陽擋風，帽頂氣孔排氣減熱，同埋方便隨意拆卸既可調較索帶。正前方及側面亦會分別繡上 SPORT b. 及 New Era 既品牌標誌，搭配上經典Dino恐龍刺繡小標籤，簡約低調得黎，又帶有法式時尚既味道。帽款一樣提供黑色、淺卡其色及紫色，更加有S/M及M/L兩個尺寸俾大家揀！