由11月18日起，屯門市廣場將會變身為寶可夢傳說大道，當中除左會見到《寶可夢 朱／紫》最新既Pokémon，亦有冒險之旅俾各位訓練師去遊玩。中意《寶可夢 朱／紫》或者係Pokémon愛好者既你都可以留意下！
「Pokémon見面會」
較早之前，超人氣Pokémon皮卡丘、新葉喵、呆火鱷以及潤水鴨都親臨屯門市廣場，同大家預告「《寶可夢 朱／紫》冬日冒險之旅START！」活動。當日，4大Pokémon都同現場人士影左唔少相，仲有粉絲到場應援，場面亦十分熱鬧。如果大家今次抽唔到時間去都唔緊要！黎緊係指定日子，4位Pokémon會係屯門市廣場同大家再次合照，等咁多位既聖誕有Pokémon既陪伴！
打卡地點
係屯門市廣場之內，仲會有7米高皮卡丘等住大家！到時候，皮卡丘會以「巨」萌造型驚喜登場，並且揮手迎接大家既來臨。身為一名訓練家，就緊係要擺返個招牌訓練家姿勢同皮卡丘合照，以展現出訓練家既標記！
聖誕冒險之旅
到時咁多位Pokémon訓練家係走過《寶可夢 朱／紫》遊戲入口之後，可以踏上自已所選既旅程。當中除左有「Pokémon庭園」，俾大家去了解全新Pokémon，分別有「新葉喵」、「呆火鱷」以及「潤水鴨」；到達「Pokémon競技場」與「紅蓮鎧騎」和「蒼炎刃鬼」合照一番；仲可以去「Pokémon傳說大道」尋找神秘既傳說Pokémon「故勒頓」及「密勒頓」，並了解更多他們的故事。
現場仲會設置「任天堂Switch《寶可夢 朱／紫》遊戲試玩區」，等大家可以試玩遊戲；「寶可夢集換式卡牌對戰專區」，等大家同其他卡牌訓練家對戰；「寶可夢集換式卡牌遊戲新手教室」則會係並係週末及假日舉行，到時除左有導師教大家遊戲規則及對戰的基本技巧，仲可以獲得指定寶可夢限定卡牌1張！
此外，各位訓練師仲可以參加「Pokémon Bingo Rally」，搵出隱藏係屯門市廣場既Pokémon並完成bingo，就可以換領Pokémon原創禮品一份，等大家玩之餘，又可以拎到獎品返屋企！
「Pokémon冬日商品店」
中意Pokémon既各位訓練師記得唔好錯過「Pokémon冬日商品店」！「Pokémon冬日商品店」將會提供超過400款Pokémon Center原創精品，當中除左常見既寶可夢，仲會有《寶可夢 朱／紫》初期三隻Pokémon – 新葉喵、呆火鱷以及潤水鴨既玩偶、文具同精品！
另外，店內亦會有任天堂 Switch《寶可夢 朱／紫》遊戲以及其特別版主機，更有各款寶可夢集換式卡牌遊戲牌組及擴充包，其中擴充包「思維激盪」、V初階牌組 「噴火龍」「皮卡丘」「超夢」，「訓練家卡牌收藏組合」幾款最新商品都好值得大家去留意！
「Pokémon聖誕卡親子工作坊」
最後，各位家長仲可以帶小朋友去參加「Pokémon聖誕卡工作坊」，為中意既Pokémon填上顏色，並寫上窩心暖意既祝福語句，係聖誕節之中送俾身邊或遠方既朋友，相信都可以令對方感受到真實摰誠既心意！
