最近大熱既美少女槍戰動作手遊《勝利女神：妮姬》係獲得亮眼成績之後，繼續為玩家提供更多驚喜，除左推出全新SSR角色，仲會有兩場既線下活動，等各位粉絲有機會可以到現場進行互動！

晉升最熱門遊戲之一

自從11月4日《勝利女神：妮姬》開放下載後，短短幾日內下載量就已經突破1000萬人次，係台港澳三地仲創下雙平台暢銷榜冠軍。同時，遊戲內既都有唔同福利吸引到大家，其中包括：13張抽卡券既累積登入活動；SSR角色「普麗瓦蒂」既14天任務。除此之外，大家仲可以透過通關主線章節、無限之塔等玩法去獲得豐富既成長道具、抽卡券以及珠寶。

首隻SSR妮姬

本次更新之後，《勝利女神：妮姬》將會新增第一隻SSR妮姬「海倫」，「海倫」由極樂淨土生產，隸屬宙斯盾部隊，水冷元素，使用狙擊步槍，屬於火力型角色。「海倫」有住貴族氣質，而且對部隊十分嚴格，經常會擺出一副冷漠高傲既樣，但亦有柔軟既一面，好容易因為人地講既野受傷。

宙斯盾部隊係一個專為水戰而設既海軍部，但由於方舟沒有大海，地面既海洋亦唔屬於人類，所以只可以係游泳池裡擺上反萊徹戰艦「讚美號」不斷訓練，亦因此受到好多人既嘲笑。而係展現唔到成績而面對中央政府發放經費不斷縮減下，「海倫」係艦上舉行晚會，並發表演說號召捐款維持部隊，同時希望能做出一點成績。

回饋活動

為左回饋玩家，《勝利女神：妮姬》既官方粉絲團亦舉辦一連五彈既指揮官報到活動，只要玩家完成指定任務，就可以得到豐厚的100珠寶獎勵，並有機會拎到官方妮姬滑鼠墊、杯墊等實體獎品。

同時，之前既集氣活動成功達標之際，官方亦冇食言，黎緊將會係台北開啟兩場「指揮官，請來啟動妮姬吧！」既線下活動。活動當中仲會有知名COSER、豪華獎勵以及精緻既大型裝置物同玩家進行互動體驗。兩場活動分別係11月12日樂聲影城-木棧廣場（下午15:00～17:00） （台北市萬華區武昌街二段85號），以及11月20日三創園區-八德中心廣場（下午15:00～17:00） （台北市中正區市民大道三段2號），有興趣既玩家記得睇實時間！