Panasonic LUMIX S系列相機近日發佈全新S5II系列，加入新功能優化用家體驗既同時，亦改良唔少現有功能，等各位新晉以至專業攝影師和vlogger，創作更加得心應手，以更好既表現拍出一流既短片！ 

高解析度影像

LUMIX S5II系列採用全新2,420萬像素全片幅CMOS感應器，不設低通濾波器，支援雙原生ISO，延伸ISO更可達至204,800，而且仲有相位自動對焦既功能，令到對焦表現大幅提升，等用家可以更快速、更準確咁捕捉自然且高解析度既影像！

更強的攝影體驗

新系列更為大家提供更好既攝影體驗。除左連拍性能得到重大提升，防手震上亦得到強化，唔理係步行定跑動，大家都可以捕捉更加穩定既照片，啱曬手持使用。比起S5，新系統更擁有2倍以上既防震性能！

兩款新型號相機皆設有高解析度模式，可以拍攝高達9,600萬像素RAW/JPG相片，快門速度可調校為8秒。而全新既Live View Composite功能，亦可幫助大家係漆黑環境中清晰對焦，實現像真色彩、係低光度環境下體現最少圖像噪音。用家亦可以做好拍攝前既畫面管理，方便即時取景構圖，減少相片受透視、顏色偏差、光暗等影響。

攝錄兼備

新系列相機最高可支援C4K/4K 60p/50p (4:2:2 10-bit)。同時間，取景器後既散熱風扇亦大大改善散熱效能，即使係高幀率既情況下，都可以實現連續拍攝，令錄影時間長度不再受到限制。除此之外，機身亦配備3.5 mm收音咪/耳機插孔，支援實時監聽。而DC-S5M2X將支援更高級既影片功能，包括 Apple ProRes 影片攝錄、ALL-Intra編碼、RAW 影片輸出、USB-SSD 錄製、有線和無線串流直播，用家可以直接將影片存放係外接儲存設備，或是透過USB-C連接直播畫面。

方便實用為核心

S5II系列等你可以將最喜愛既LUT直接加至相機中，唔需要額外編輯相片或影片，就可以為作品加上獨特風格。輕巧機身搭配上翻掀式LCD觸控顯示屏，更加方便大家以唔同角度捕捉最真實畫面。轉盤、按鈕以及LCD屏幕亦符合人體工學，用家可以根據使用習慣同風格去自定義相機。機身所用到既鎂合金全壓鑄框架，堅固耐用，加上所有接頭、轉盤同按鈕都經過密封處理，防塵防濺水，即使在-10℃環境下都可以進行拍攝！