Belkin推出既全新MagSafe iPhone支架，簡簡單單就可以將iPhone固定係手提電腦、桌上電腦屏幕或顯示器，除左等大家可以用到最新既接續互通相機功能，更加可以享用更高質素既FaceTime以及視像會議！

全新iPhone支架

今次新推出既兩款iPhone支架都配備MagSafe兼容模組，可以固定MagSafe兼容iPhone既位置，等用戶可以用到iPhone後置相機系統作網絡攝像頭。MagSafe iPhone支架分為Mac手提電腦適用以及Mac桌上電腦和顯示器適用，大家可以根據自身需要去睇以下既介紹！

Belkin 亞太區總經理 Jenny Ng 表示：「Belkin是一直以客戶為中心的企業 ，我們通過充份了解用戶和內容創作者的需求來開發創新解決方案。我們一直緊貼 Apple 的最新技術，並致力創造出能夠大大提升用戶所擁有裝置的體驗的產品。對於那些希望在工作或娛樂時，利用新macOS版本中的相機接續互通功能以獲得優質和攝人的網絡攝像體驗的人，這兩款全新的 iPhone 支架是他們必備的配件。」

Mac手提電腦MagSafe iPhone支架

Mac手提電腦適用既MagSafe iPhone支架（HKD 228）兼容iPhone12 及更新機型，大家可以安裝係各種MacBook Air、MacBook Pro機型以及MacSafe兼容既外殼上面。用家只需要將 iPhone 卡在磁性支架上， iPhone同Mac手提電腦就會固定埋一齊，免提播放串流、傾計、錄影、旋轉 iPhone，通通都冇問題！支架更加兼作美觀方便既iPhone環形把手，有住超強既抓握力，即使用作桌面支架都冇話唔得！

Mac桌上型電腦和顯示器MagSafe iPhone支架

Mac桌上型電腦和顯示器適用既MagSafe iPhone支架（HKD 318），可以用係22英寸～45英寸外部顯示器和電腦屏幕，以及兼容既Mac桌上型電腦，支援 iPhone 12/13/14 既橫向同超廣角相機，實現桌上視角、增強電話會議、內容創建等 FaceTime 功能。用戶亦可以輕鬆旋轉iPhone，以免提方式進行串流或錄影！

而且支架係大部分顯示器上亦都係輕鬆安裝以及拆卸，同時保護 Mac 或顯示器免受刮擦，並且不會干擾其攝像頭，又同標準的 1/4″ 三腳架螺絲完美配合，為各位內容創作者提供更方便既選擇！存放方面，電纜管理系統和可折疊設計亦十容易存放，等大家枱面得個亂字！