今個星期六日唔知大家有咩做呢？會出去睇燈飾陪家人，定留係有冷氣既地方睇Disney+獨家既《雷神奇俠4：愛與雷霆》？

大量星級人馬

唔知大家有冇睇開Marvel既習慣呢？最近因為Disney+ Day，Disney+特意獨家串流熱播，及獨家熱播電影《雷神奇俠4：愛與雷霆》同Marvel粉絲們一齊慶祝依一個咁開心既日子，而當中充滿住唔同既明星演員。如果有睇開Marvel既觀眾，我諗應該一眼就認得出 其中包括「雷神索爾」基斯咸士禾夫、「神威雷神」妮妲莉寶雯、 「女武神瓦爾基里」泰莎湯遜、「屠神者戈爾」基斯頓比爾等 相信搵得咁多明星一齊黎拍電影，想必睇開Marvel既粉絲一定睇得又開心又滿足。

一波又一波驚喜

唔理係入戲院定係留在家中用Disney+睇開電影既觀眾都知，我地最中意就係睇彩蛋，睇NG，依一套電影最後唔單止有以上既元素。Disney+仲會係Disney+ Day當日公開拍攝現場從未曝光既鏡頭同埋對於唔同明星演員既訪問，當中問題都係Marvel粉絲一直以黎好想知既野。例如妮妲莉寶雯點解會回歸MCU，基斯咸士禾夫既身材係點樣練返黎等等，總時長高達54分鐘，相信大家係依一個週末一定節目滿滿。最後Marvel電影一向以特效滿滿為出名，緊係唔少得訪問埋《雷神奇俠4：愛與雷霆》既梳化人員及特技化妝人員，相信咁多位Marvel既粉絲一定大飽口福。