黑白®一直以黎都致力推動香港奶茶文化，多年黎一直與茶餐廳及食肆合作。而今次第十屆「港式奶茶日」，黑白®更同12位本地設計師合作，推出12年生肖限量版奶茶杯碟套裝系列，以繼續推廣本地奶茶文化。
兔年限定奶茶杯碟套裝
今次以兔年為主題既黑白®12生肖杯碟套裝系列奶茶杯碟套裝，將會由本地插畫師JASONTOMMY小塗蛙設計，有男女兩個款式。設計亦有貼合品牌以往既設計，配色方面會沿用品牌既標誌性紅白，並在杯中既其中一面印有荷蘭菲仕蘭乳牛既經典圖案，而另一面則為左迎合兔年，會以可愛爆燈的兔子插畫作為圖案。男款式既「兔仔」將會戴上喜慶洋洋既新春頭冠，而係「兔仔」兩旁會掛有福字爆竹，幫新既一年立下一個好既意頭；而女款式既「兔女」係盛放桃花既映照下更見迷人，寓意人緣廣開，花開富貴。
相信大家睇完都想知點先可以換得到，由即日起至12月31日，各位粉絲有3個方法可以以$88優惠價在限定日期內換領，方法分別係：係指定茶餐廳或食肆惠顧奶茶乙杯以獲贈活動蓋印乙個，8個活動蓋印即可換購；係香港指定商戶（指定零售及網上商店）購買任何黑白®產品每滿$128（接受最多5個交易）或是係香港指定商戶購買黑白®濃滑經典奶茶8罐（接受最多5個交易），就可以憑藉有效既電腦收據正本或網上商店訂單紀錄換購。
問答遊戲活動
如果大家係港式奶茶的「忠粉」，仲可以趁依個機會係11月6日之前在網上參加「黑白®港式奶茶達人挑戰」有獎問答遊戲活動，頭100名既「港式奶茶達人」除左可以帶一名親友參與「港式奶茶文化體驗遊」，仲可以雙雙獲贈「黑白®兔年杯碟套裝」乙份，玩得開心得黎仲可以拎到杯碟套裝，簡直一舉兩得！
港式奶茶文化體驗遊
11月19日至12月4日，黑白®仲會舉辦一個「港式奶茶文化體驗遊」，帶一班奶茶粉絲走遍唔同關於港式奶茶文化既地方。參觀過後，大家會有一個奶茶工作坊，係資深奶茶師傅謝忠德既指導下，親手調配經典港式熱奶茶以及特色奶茶，從而對港式奶茶文化有更深切體會。
