繼前排大熱既《God of War》之後，PlayStation亦相繼出左續集《God of War™ Ragnarök Bundle》，全新故事搭配上全新既技能組，大家想玩既可以係11月9日開始係各大電訊商或者「PS5 網上預購抽籤系統」進行預購兌換券！  

遊戲故事

遊戲中，遊戲角色克雷多斯和阿特柔斯將會踏上一段尋找真相和盟友既神話之旅，兩位角色係走遍九界中每個國度尋找解答既同時需要準備好預言中既末日大戰。旅途中，父子兩人亦會藉此機會去探索神話中瑰麗驚豔既地貌景色以及集結盟友，以此去對抗北歐諸神和怪物等唔同類型可怕既敵人。而隨住時間推移，諸神黃昏亦都就黎來臨，克雷多斯同阿特柔斯係家人與九界既安危之間，亦開始煩惱應該如何是好。

遊戲特色

遊戲當中亦講到角色如何面對係佢地面前既命運。阿特柔斯尋找唔同既知識，想去了解到底何為「洛基」的預言以及阿特柔斯係諸神黃昏中將要扮演既角色。而克雷多斯就必須係兩個命運之中作出選擇，要被恐懼束縛或是擺脫過去，成為阿特柔斯所能依賴既父親。

而另一個遊戲特色就係戰鬥武器。除左有以往既利維坦之斧、混沌雙刀和守護者之盾回歸，克雷多斯以及阿特柔斯都將學習唔同既新技能，共同對抗九界諸神同怪獸。當中實在唔容易去對付，克雷多斯更加為左保護家人而使出左各種致命的斯巴達技能。

相信玩家係對抗九界諸神同怪獸既時候都已經心力交瘁，依個時候就可以睇下途中美麗既風景，欣賞唔同既景色之餘，仲可以俾自已有一個放鬆既時候去再次對抗有敵意的生物、怪獸以及北歐諸神。