AirPods 經常性唔見不是新聞，配件廠商紛紛諗計，有些就為耳機穿上繩索，但見有用家連個盒都唔見埋，於是就有外國廠商諗到條屎橋，就係利用 AirPods 保護套 PopGrips，將個 AirPods 充電盒粘在機背後，廠商指這樣就可以避免 AirPods 忘記或丟失！
這款保護套雖然令人難以置信，但是就採用可拆卸設計，並且還支援無線充電。提供綠、黑、白、紫及藍色，定價 20 美金，折合 HK$157 / TW$611 / JP$2170，可通過 PopGrips 的線上商店購買。外媒認為這似乎是手機背面，似乎有腫瘤生長，直指是件沒有品味的設計。更稱如果想買，就要問問自己有冇品味，肯放下尊嚴去購買這件產品！
第二代 AirPods 充電盒支援 Qi 制式無線充電，充電燈放在外面顯示充電狀況，為耳機提供額外 24 小時續航力。AirPods 配備無線充電盒售價 HK$1599，無線充電盒可單獨購買，售價 HK$629。第二代 AirPods 外形幾乎與上一代一樣，但卻有更多新一代的功能，支援全新 H1 晶片提供更高效能、更快連接，提升音質，可輕易從 iPhone、Apple Watch 和 iPad 轉換音源，通話時間比上一代多 50%，支援 Hey-Siri。
