黎緊新年，信德集團旗下既三大商場將會有源源不絕既新年活動，而打頭陣就係「花兔開運」利是封，當中以可愛「花兔」及橘紅色封套為主，利是封內更有賀年小金卡等大家寫上新年祝賀語，一齊開心過新年！

「花兔開運」利是封

「花兔開運」利是封當中既設計都落左唔少功夫。首先黎講下封套，封套以燙金印印上今年生肖「兔」形狀既邊框，而兔兔中間則以鏤空為設計，搭配充滿氣派既橘紅色，並印上金幣及花紋圖案環繞兔形，寓意兔年大吉大利、財源滾滾。

而係利是封內更加會有一張賀年小金卡，印有唔同日本吉祥款式既花紋圖樣，即日本所稱的「和柄」，其中包括：「霞」意指春天來臨、開春大吉；「七寶」既圓形圖樣亦有圓滿、兒孫滿堂既意思；「青海波」既平穩波浪則寓意歲歲平安；「梅花」五瓣是五福既象徵，而五福分別為快樂、幸運、長壽、順利、和平；充滿戀愛感既「櫻花」亦祝大家甜甜蜜蜜、愛情順利；「麻の葉」則祝福小孩茁壯成長等等。

到時大家只要張小金卡放入封套之中，就可以係「兔」形鏤空既位置特顯出花紋圖樣，令到利是封變身成為一隻可愛既「花兔」，等大家可以花兔迎春、開運招福！而係小金卡既另一邊，大家亦可以寫上對於親友以及友人既賀年祝福，並將滿滿既祝福及當中既心意送俾對方！

由2023年1月9日至1月21日，大家可以去到西寶城、昇悅商場、昇御商場，其中一個商場換領，只要大家係場內即日以電子貨幣單一消費滿$200或以上，即可換領「花兔開運」利是封 （一套8個），咁得意既利是封點都要換返個返去，送俾朋友都特別開心！