Xbox One在日本的銷售成績一直不理想，不過有店家想出了新的促銷方法，竟然是將Xbox One當超高清藍光影碟機咁賣！？真係慘不忍睹啊！位於有樂町的BIC CAMERA，係東京其中一家最大的電子品商店，被發現將Xbox One主機當成超高清藍光影碟機促銷，頂部的貼紙除了寫上了「超高清藍光影碟機」外，更加寫上了「超抵!!」和「推薦!!」，包裝底部更貼上了「如果選購Xbox One S，更可以玩電視遊戲」的字樣，就好似遊戲只係額外的功能一樣。

咁呢個宣傳策略有冇效呢？據資料，日本最新的Xbox One每週銷售額為63台，看來成效亦不大呢。 更有抵死的網民聲稱，為此已經立即買了一個Xbox One S用來睇「你的名字」。

估唔到Xbox One會慘變成日本最平的超高清藍光影碟機之一，未來Xbox One X要多多加油啊！

來源：kotaku