相信各位潮流一族都有留意到「加密」、「加密訊息」、「端對端加密」呢滴最近的科技熱門話題。但可能大家都係一知半解，覺得好高級，但其實佢哋嘅功能同生活息息相關，知道點樣運用會令生活更加安心。

什麽是加密訊息

呢個功能就最啱重視私隱保護嘅朋友啦，如果你同朋友、屋企人或者同事分享私人、敏感資訊，加密功就可以防止你嘅訊息被洩漏或盜取。簡單來講，加密功能可以有效保護你嘅數據，只有具備指定金鑰（加密密鑰）嘅人先可以解鎖，的確非常嚴謹。

什麽是端對端加密？

每個加密訊息都係唔一樣嘅，端對端加密可以確保净係你、同你交流嘅對象可以閱讀訊息，即使你哋用的通訊軟件或平台都無法查看。呢種端對端加密，可以有效保護你所有的訊息，免受駭客或病毒如「中間人攻擊」等入侵，避免不法分子透過漏洞竊讀或竊聽有關內容。

雖然好多即時通訊應用程式都具備端對端加密功能，但並非所有都默認啟用，換言之你需要手動啟用呢個功能，有時更需要先開啟開始私人或秘密聊天模式。WhatsApp同Signal就係默認使用端對端加密的免費應用程式。譬如，在WhatsApp送出你的訊息前，系統會自動啟動加密保護,只有通訊對象有解鎖的金鑰。此外，每send一條訊息，金鑰就會自動更換一次。呢一切都在系統中無形地進行，保護大家嘅私隱安全。而你可以去聯繫人資訊中的「加密」分頁上使用「安全代碼驗證功能」，確認你的對話受到保護。使用起來真係會安心好多！

加密功能保護範圍大

唔單只文字訊息，只要大家默認啟用端對端加密，應用程式同樣會保護你同通訊對象的所有對話內容，仲有相片、文件、語音訊息，甚至乎語音同視像對話，可謂係全方位保護。

對話內容備份

有啲工作訊息對我們來講非常重要，因此在備份時亦需要確保資料受到保護。在WhatsApp的對話中，會預設自動備份並儲存在手機的記憶體中。經過端對端加密備份之後，可以確保你的訊息資料上載至任何一個雲端時都有多一層保障。不過要注意，如果唔記得密碼或密鑰，就無法完成備份啦。

進一步保障對話私隱

除咗端對端加密，唔同通訊應用程式亦會提供各種功能為大家的個人私隱帶來額外保障。例如，你可以選擇啟用限時訊息,設定在24小時、幾日或者幾個月後自動消失，確保訊息唔會被永久紀錄。另外，WhatsApp亦提供多項保障私隱的功能，包括近日推出的「對話鎖定」，大家可以將指定對話移至專屬資料夾內並需要密碼開啟，同埋控制邊個可以將你加入群組，和隱藏上線狀態等等，為你的私隱提供多一層安心保護。