情人節未諗去邊到好？不妨都可以黎到T.O.P既【T.O.P x懶得「鳥」•情人節求戀祈啦！】，當中除左會有2米高既MENTORI戀愛神社，等大家新一年可以求個好既愛情運，更加有唔同既限定甜品料理等大家黎試！

MENTORI 戀愛神社

今次，懶得鳥同直白妹將會首次訪港，同時坐陣係T.O.P既2米高MENTORI戀愛神社！到時懶得鳥會以毛毛造型現身，而Sharp醒坐就會係神社門口迎賓。神社用左象徵着愛既粉紅色作為主題，搭配上粉紫色既懶得鳥主題色系，兩邊既燈籠更印有祝賀字句，真係甜蜜滿滿！除左各位情侶可以黎打卡，各位單身人士亦都可以藉此祈求新一年「出Pool」順利！

限定甜品料理

大家情人節同另一半食完飯之後，又點少得甜品！今次懶得鳥亦聯乘Soffee Café悉心炮製玫瑰荔枝蛋糕、檸檬伯爵茶蛋糕、雜莓波波蛋糕及士多啤梨蛋糕既期間限定開運料理，等大家可以係充滿玩味既主題Café，一邊享受氛圍，一邊嘆住食甜品，盡情享受彼此之間既甜蜜時刻！

限時換領

T.O.P同懶得鳥亦會推出兩大獨家限量「出Pool開運神器」，大家只需憑消費就可以換領「香噴噴戀愛御守」及「大愛環保袋」。消費滿指定金額亦可換領50元餐飲商戶禮券，大家都可以藉此揀選心水餐廳同伴侶共進浪漫晚餐！

除此之外，懶得鳥更加有情人節「求戀祈貼紙」，當中既盞鬼貼圖配上「我不醜，而且很溫柔」、「我單身，我驕傲」等敷衍貼地句子，真係會響起大家共鳴！大家只需要追蹤T.O.P This is Our Place既Instagram帳戶，即場打卡並標註@topmongkok，即可獲得一張A3盞鬼「求戀祈貼紙」，數量有限，換完即止。

懶得鳥主題WhatsApp Sticker

大家到時只需要掃描場內指定QR Code，就可以搶先下載懶得鳥主題WhatsApp Sticker，一套共10款，設計貫徹住滑稽幽默風格，send懶得鳥WhatsApp Sticker俾心儀對象，話唔定仲會因為咁而展開話題，或者係出街機會！