有追開韓劇既各位，應該會對魏河俊、池昌旭同林世美有印象，分開睇佢地就試過，如果佢地三位係同一部劇集出現，唔知依個驚喜夠唔夠呢！雖然《The Worst of Evil》仲未上映，但大家都可以盡情期待下！
參演成員
《The Worst of Evil》既演員可以叫得上係星光閃閃，當中唔止有曾參演《便利店新星》、《奇怪的拍檔》及《奇皇后》既韓流男神兼著名動作演員池昌旭，曾參演《小女子》、《回到18歲》及透過《魷魚遊戲》而變得出名既魏河俊，仲有曾參演《我身後的陶斯》及《購物王路易》既人氣女演員林世美。就連導演都來頭不小，由《不標準情人》既導演韓東旭黎執導。睇黎又會係一套好戲！
故事大綱
戲中將會回到1980年代，故事講述由池昌旭飾演既臥底警員姜俊默將會冒險加入一個極大既新興販毒集團，而集團勢力覆蓋整個韓國、中國以及日本。本黎打擊咁大勢力既販毒集團唔需要處理得如此複雜，但由於警員姜俊默一直以黎調查左好耐都處處碰壁，冇其他方法既情況之下唯有付出一切去成為一名臥底，用生命作為賭注去搵去販毒集團既跨國犯罪證據。雖然戲集要去到2023年先會係Disney+獨家上映，但係依一部《The Worst of Evil》作為Disney+亞太區原創作品計劃既其中一部，加上由池昌旭作為主演既動作戲，相信大家都已經等唔切想睇當中既打鬥場景！想知道更多有關依套戲既詳情或者預告，大家記得跟緊Disney+既最新消息，如果唔係等陣錯過左都唔知道！