大家可能係電影到就見得多高達，唔知現實又有冇見過呢？係2022年既10月21日至11月6日既奧海城2期地下主題中庭，將會舉辦Bandai既展覽，高達迷想一睹高達又或者係買限量高達既記得睇時間！
《機動戰士高達 水星的魔女》主題專區
今次係專區裹面，大家會見到全新動畫《機動戰士高達 水星的魔女》內面既主要角色蘇萊塔‧墨丘利、米奧莉奈‧連布蘭、古爾‧傑特克、伊蘭‧凱萊斯同埋沙迪克‧澤內利。同時，會場仲會有三個大型立像，分別係女主角蘇萊塔‧墨丘利駕駛既機體「風靈高達」（高1.7米）、元祖經典「RX-78-2 高達」（1.7米）以及人氣機體「突擊自由高達」（1.8米）。除此之外，高達模型「MGEX 1/100 突擊自由高達」將會首次公開！當中金黃色既骨架，機體既金屬感都俾人感受到滿滿既震撼，大家一定要去睇下！
不同模型發售
到時候會有首度發售既環保原料高達模型，展區仲會介紹點樣去用雞蛋殼、廢棄塑膠等既環保材料去製作出高達模型。除左環保高達，會場亦有高達限定店，仲有14款首發限量版既高達俾大家揀，而限量版就會分階段推出，想集齊唔同高達既高達迷就一定唔可以錯過今次既機會！
高達模型教室
唔止大人，連小朋友都有野玩！係活動期間，小朋友可以係專業導師教導下，組裝彩色版盒裝既高達模型。雖然每節只有45分鐘，但係各位小朋友都可以有更加深刻既體驗，咁珍貴既機會就緊係名額有限，先到先得，額滿即止。