Switch年度冬季特典兩大精選組合均獲豐富禮品

Nintendo Switch將會係12月9日開始今年既「冬季特典」，當中所拎到既野除左可以俾大家拎黎收藏，亦都十分之實用！不過數量有限，先到先得，大家如果睇啱下列既限定特典都不妨揀好日子去搶購！

運動主機組合

12月9日開始，如果大家購買一套行貨「Nintendo Switch Nintendo Switch運動主機組合」，就有機會得到「Happy Holidays限定背包及限定隨身包」各一個！背包同隨身包既規格分別為 25x 35 x 10 cm以及 21 x 20 x 5 cm。「Nintendo Switch Nintendo Switch運動主機組合」則包含Nintendo Switch主機一套及《Nintendo Switch運動》盒裝版遊戲軟體連腿部固定帶一套。而依一個限定特典只係適用「Nintendo Switch Nintendo Switch 運動主機組合」，並唔包括Nintendo Switch（OLED款式）、Nintendo Switch Lite 及其他特別版主機。

自由選組合

而係自由選組合方面，到時大家購買一台行貨主機（主機3選1）及自選任何一款由Nintendo發行既行貨盒裝版遊戲軟體，就有機會獲得「Happy Holidays限定隨身包」一個。隨身包規格為 21 x 20 x 5 cm，不過同運動主機組合唔同，自由選組合適用於Nintendo Switch、Nintendo Switch（OLED款式）、Nintendo Switch Lite及其他特別版主機。