最近生活有D平淡？就梗係要追下復仇爽劇，體驗下刺激快感。逢周六、日21:40於Disney+ 上線嘅《潘朵拉：偽造的樂園》,為大家帶來腦洞大開、充滿懸疑、又緊張明快的黑暗女主復仇劇集，包你睇過返尋味！

超精彩嘅陣容同故事

《潘朵拉：偽造的樂園》由曾創作《上流戰爭》、有「狗血劇教母」之稱的編劇金順玉，與《上流戰爭》女主角沈秀蓮「復仇女王」李智雅，再次合作，勢必帶來驚艷的效果。

故事講述由李智雅飾演嘅女主角洪泰拉，是一位家庭幸福，老公事業有成，女兒可愛乖巧的貴婦。她表面上擁有一切，但是就失去咗15年前所有的記憶。一次意外之後，她竟然重拾當年記憶，發現自己係代號「50號」的頂級職業殺手！由此引發了後續的驚險殺戮，真係夠曬反轉，搏足眼球。

强勁伏綫 深受觀衆喜愛

《潘朵拉：偽造的樂園》播出首四集後，已令觀眾深深着迷，除咗多場精彩埋身打鬥、燒腦人物關係、以及多條精彩伏線同樣吸引觀眾，其中包括：

• 讓「50號」維持失憶狀態、及成為「洪泰拉」的幕後勢力是誰？

劇集一開始，女主角洪泰拉就因幫助姐姐洪尤拉 (韓秀妍 飾)而從樓梯墜下，亦因此慢慢解鎖15年前嘅記憶。發現自己真實身份是殺手「50號」後，姐姐洪尤拉一句：「你現在回復記憶了嗎？」為一切揭開序幕。失憶長達15年的她，原來只是過身嘅「洪泰拉」的替代品。同「50號」並無血緣關係的「姐姐」洪宥拉，竟然是被指使來看守她的人！到底幕後安排這一切的神秘勢力會是誰？

• 「50號」是殺害前總統的兇手？

洪泰拉的好朋友高海秀 (張熙軫 飾) 一直想揾出殺害前總統爸爸的幕後兇手，有日意外收到兇手相片，順藤摸瓜來到一間精神病院。冇諗到失憶嘅洪泰拉，卻突然閃過塵封片段，發現自己就是相片中嘅兇手！之後，高海秀得到線人幫助，得知好友竟是殺父仇人，故事將會如何發展？

• 三人幫利害關係  牽涉幕後更大陰謀？

洪泰拉的丈夫表在賢(李相侖 飾)為科技企業「HATCH」的社長，同金鳥集團富二代張道振(朴基雄 飾) ，以及研究所所長具成燦(奉太奎 飾)一同研發「人工智能晶片」，在一次公開實驗中，表面上成功令一隻猩猩擁有了高達120的IQ，但呢隻猩猩卻在實驗後被殺掉，這一切背後到底隱藏了甚麼驚天陰謀？

而「HATCH」三人幫之間，亦各埋下了不同的伏線 ——表在賢本來醉心高科技研究，但突然辭去社長一職，決定參選下屆總統；張道振家族嘅金鳥集團，表面上同「Hatch」劃清界線，但張道振的父親卻想利用個仔，密謀吞併；而貌似最單純嘅具成燦，在知道洪泰拉姐姐接近佢，净係為咗偷走人工智能晶片的秘密後，更發現咗洪尤拉同張道振嘅關係。三人幫本身和睦，現在各有芥蒂，劇情又會點樣發展呢？

• 精神病院院長協助女主角老公競選總統？

有極高成就嘅精神病院院長金善德 (沈昭英 飾)，背後竟是殺手集團高層話事人！佢發現「洪泰拉」原來是多年前嘅金牌殺手「50號」之後，突然同洪泰拉的丈夫表在賢見面，並現身表在賢宣佈參選總統的記者會中。究竟院長如意算盤是咩野？

呢套戯集齊暗黑復仇、精彩動作戲、上流爭權奪利、反轉再反轉嘅燒腦情節等等元素，千奇咪錯過咁精彩的《潘朵拉：偽造的樂園》啦！