春天到了，都是時候買翻套新衫畀自己換個look了。法國年輕時裝品牌SPORT b. 於2023 春夏推出「City Rider城市漫遊者」系列主題，將機能同時尚完美結合，型格與實用，令人自信又舒適。

溫柔時尚機能服

呢個系列將大地色同柔和粉色融入設計，翻學返工都好搭。唔單止好睇，都好實用，採用適合戶外活動的機能衣料同埋多功能設計，加入各種細節，譬如拉鍊袋、防曬設計及寬鬆版型等，無論hiking或者去海邊抑或休閒穿搭，都感到輕鬆自在。另外，系列亦延續品牌的黑白經典的簡約時尚理念，創新黑白單品，重新注入時尚魅力！

以現代城市生活為靈感，「City Rider」系列在機能服之上加入日常穿搭元素，增加時尚魅力。顏色上以大地色系同柔和粉色系為主，譬如卡其、米白、粉綠及淺灰等取代機能服飾中常見的深色調，適合戶外活動之餘，都為唔同性格喜好嘅你提供更多顏色選擇；衣料就以舒適輕盈的尼龍及棉質為主，適合宜家d潮濕悶熱天氣。

層次感女裝系列

設計師為「City Rider」系列中的新品加入巧思，令日常單品變得特別又fashion。方形大領口設計立體，配上泡泡袖，舒適之餘令整體剪裁更加精緻，最啱最求設計感嘅女士；運動上衣就用短袖接長袖嘅設計，擋住毒辣陽光，同時唔會好似一般長袖設計咁侷促；女裝裙低調中見品味，包括俐落嘅山系長裙、戶外短裙、拼布連身裙等。

運動風男裝系列

男裝長袖同埋背心外套緊貼機能風，以寬鬆版型、多袋設計為主，內搭簡單上衣，營造城市山系風格；而多功能長褲附帶可調節的一體式腰帶，郊游登山著都冇問題。

堅守簡約黑白美學 型格又動感

SPORT b.堅守簡約美學精神，全新「City Rider」系列加入黑白調單品— 從今季的簡約黑白穿搭中可看到，其設計上嘅巧妙心思，簡單剪裁令更見立體同時尚感，以簡單恐龍logo作裝飾，襯衫就加入大格紋同動感線條圖案，靈感來自繁華城市嘅道路同路標等意象，令人耳目一新。

日常必備「Essential」系列　

日常單品看似簡單，但要做到耐看而百搭卻不容易。SPORT b. 「Essential」系列以最受歡迎的熱賣款式為基礎，以耳目一新的姿態示人 — 女裝在經典T恤上加入獨特剪裁，將牛津布上衣的圓領口打摺，加上前短後長設計，令造型更立體；襯衫抛棄咗平實嘅直長衣袖，改為蝙蝠袖，更加休閒。而男裝襯衫不再局限黑白灰，反而加入更多粉色系列，著上都變得小清新。

全黑型格袋款帽飾

保持SPORT b. 的簡約時尚傳統，今季手袋主打全黑，并且充滿細節，將黑色型格感推向極致。經典背包內裡用上今季嘅動感線條圖案，前袋右下方加入品牌簡約logo，簡潔有型；便攜小包以尼龍繩索為肩帶，帶有網袋，一派山系風格；手挽購物袋的造型近似日本風呂敷，三角外形小巧輕便，中性風男女都啱用；漁夫帽雙面設計，一面黑色，另一面係動感線條圖案印花，襯出多變風格。

中性配飾　百搭易襯

潮流一族梗係少不了各種配飾，SPORT b. 的經典熱賣款式均以DINO恐龍為主角，演變出多變又吸睛嘅設計。材質以金屬為主，除了深受歡迎的銀色及玫瑰金色，亦有電鍍幻彩色，營造閃爍迷幻效果。其中男女裝情侶手鏈的主體為DINO形狀金屬幼鏈，搭配粗鏈組成，雙鏈設計富玩味而不失型格；耳環風格中性，可以左右混搭唔同style；手機掛繩就以幻彩色掛牌配襯藍白編織尼龍繩，醒目有型。

真係豐富到睇唔過來啊，心動不如行動啦！