新年又點可以冇利是封，而講到又得意又充滿住祝福意象既利是封就一定係「花兔開運」利是封！唔理係西寶城，昇悅商場定昇御商場都有得換領，唔單止圖案已經充滿住祝福，大家仲可以親自手寫祝福語句上去！
「花兔開運」利是封
「花兔開運」利是封係設計上落左唔少功夫。封套上，以燙金印上今年生肖「兔」既形狀邊框；中間則以鏤空為設計；顏色上，選用充滿氣派既橘紅色，並印上金幣及花紋圖案環繞兔形，藉此帶出兔年大吉大利、財源滾滾既寓意。
而係行是封當中，更內設一張賀年小金卡，印有日本唔同吉祥款式既花紋圖樣，又被日本所稱為「和柄」。其中包括：「霞」意指春天來臨、開春大吉；「七寶」既圓形帶有圓滿、兒孫滿堂既意思；「青海波」既平穩波浪則寓意歲歲平安；「梅花」五瓣係「快樂、幸運、長壽、順利、和平」既象徵；充滿戀愛感既「櫻花」則祝大家甜甜蜜蜜、愛情順利；「麻の葉」就祝福小孩茁壯成長等。
大家只需要將小金卡放入封套，就可以係「兔」形鏤空位置特顯花紋圖樣，化身成可愛「花兔」，藉此祝親朋戚友花兔迎春、開運招福！同時，大家亦可以係小金卡既另一面寫上賀年祝福，再把滿滿既祝福字句送到親朋好友手上，等佢地可以感受到你滿滿既心意！
換領詳情
相信大家睇完上述介紹之後都想衝去買返個送俾朋友。由2023年1月9日至21日，只要大家係場內即日以電子貨幣單一消費滿$200或以上，就可以換領「花兔開運」利是封一包（共8個）。（先到先得，換完即止。）
