今個聖誕，就連灣仔星街小區都會變身為聖誕冬雪仙境，透過早前既「Recycle Your Bottles」回收活動，由AaaM建築設計工作室轉變成白雪皚皚既鑽石以及閃閃發光既螺旋聖誕樹，等大家環保得黎，又有地方打卡！

聖誕打卡位

到時係永豐街太古廣場三期出面，【Enchanting Snowflakes星幻．雪花】既螺旋聖誕樹仿照舞會上的水晶吊燈設計，加上如冰柱般的掛飾，散發出皎白的光芒，就好似帶大家去到冰雪童話世界中既聖誕一樣，充滿住滿滿既聖誕氣氛！而沿住永豐街斜坡走到星街時，當中綿延不斷既金鑽掛飾將會變成一條璀璨星路，場景亦十分壯觀！

同期係太古廣場三期外，亦會有由多個平面雪球組合而成既巨型雪球，平面雪球內佈滿大大小小既美麗雪花，等大家可以係聖誕節既時候有「雪花」相伴，過一個溫馨又浪漫既聖誕節！

星雪消費賞

而係充滿住雲集特色餐廳、酒吧、時尚精品店舖既星街小區，12月期間仲會推出「星雪消費賞」。大家只要係12月1日至31日期間消費滿港幣300元或以上，就可以獲得購物及餐飲禮券，等大家聖誕約親朋好友既時候，可以影得開心，又可以食得開心！

大家即日電子消費金額滿港幣300元至999元就可以得到港幣50元星街小區購物禮券及港幣50元星街小區餐飲禮券；而即日電子消費金額滿港幣1,000元或以上，則可以獲得港幣300元星街小區購物禮券及港幣50元星街小區餐飲禮券。