PS5 出咗咁耐仲係咁供不應求，如果喺官方抽唔到機，就要上交易平台同網友買「食炒價」。最近，有網民發現網上有人以 HK$2,800 價格轉售二手 PS5，但就表明要到坪洲才能面交。網民信以爲真，結果中大伏，唯有發文分享慘痛經歷。

[the_ad_placement id=”ad2″]

坪洲面交PS5

樓主表示，在網上見到有人以平價轉售 PS5，對方要求在坪洲面交或是郵寄，他最後決定 7：30am 坐船入坪洲交收。交收當天，對方表明要趕住到海上魚排拿魚給客人，讓樓主到快餐店等候。然而樓主到達後發現坪洲沒有快餐店，而對方又再次要求樓主以轉數快入錢後才用「摩托車」送貨。雖然樓主認爲有可疑不肯照做，但仍浪費了不少時間。最後只能生氣地出貼，表示：「各位師兄小心呢條 X 街，呢個人係 Price 賣 PS5，約好咗地點交收之後就放人飛機！」

網民恥笑

不少網民直指看對方回應已知伏，笑說：「一睇到坪洲交收就知有問題啦，你反約佢去東龍島交收嘛」、「一句摩托車已經有疑點啦」、「有幾蠢先會覺得有平嘢會冇人爭係度等你執？」、「2800 我唔敢買，情願拿錢買六合彩比較真實」、「佢三番四次問你郵寄已經怪，跟手正常交易點會約離島入面」、「有常識都知道，好少離島面交」。如果商品的標示價格遠低於市場價格，大家真的要小心呢！

[the_ad_placement id=”ad2″]