黎緊就係新年同埋情人節，相信大家都頭痛緊應該去邊到玩好，咁不如黎將軍澳既PopWalk行一圈，除左附近有海濱可以俾大家放鬆下，更加有唔同既放閃打卡位及賀年市集，一次過滿足大家既全部願望！
5大打卡位
5個打卡位，Ocean PopWalk海天晉滙中庭就已經佔左3個。「瀛」遊「星光櫻花陣」就啱曬各位情侶一齊去打卡秀恩愛，當中閃閃發光既櫻花樹成為甜蜜氣氛既一大助力！打完卡，大家都可以去到13米既「愛の迷宮」，迷宮既兩旁都將會佈滿粉紅、嫩黃雙間既閃燈心形裝置，搭配上春日櫻花等圖案裝飾，情人節去就實冇錯！而「大桔滑梯及迴旋情人傘」，除左可以玩，更加會有以櫻花為主題既粉紅色迴旋情人傘以及巨型大桔等緊大家，為各位情侶係未來一年獻上祝福！
去到PopWalk天晉滙 一、二期戶外露天長廊，大家可以去到「瀛亮提灯遊廊」。到時候，露天長廊將會以色彩斑斕既日系花紋，打造出瀛風遊廊等大家可以同另一半度過溫馨既時光，就算大家想帶埋寵物去都冇問題，一齊黎體驗下日系既新年風情！
PopWalk天晉滙三期地下將會有「提灯の陣」。當中除左會有得意既兔子，大家亦會見到桃花係場景之中，行埋少少睇唔同別緻又可愛既日式提燈，話唔定真係會有置身係日本既感覺！
「萌兔迎新春賀年市集」
1月14-15、20-21日係海天晉滙彩虹跑道將會舉行「萌兔迎新春賀年市集」，到時會有各式各樣既獨特禮品，其中包括：英國 Samuel Smith 手工啤、AFTER.Ü 精美法式泡芙、YELO 調味牛油、Les saveurs 魚子醬、西班牙紅酒等等。大家買黎送禮，有特式得黎，都顯得更加溫馨暖意！
限量新年禮品
今個兔年，PopWalk天晉滙亦同上水廣場及將軍澳中心聯手為大家帶黎「結緣‧福至」風水引限量版利是封。依個1套3款既利是封以日本開運招福既「水引」為主題，封套既水引繩結代表新年祝福，為大家新一年帶黎好運。而封套上既熨金同熨銀花朵則散發出一份典雅貴氣，加上喜慶氣氛既大紅色、高貴紫色及跳脫桃紅色作主調，祝大家新一年福氣沖天、紅運當頭！
同時間，大家都可以買埋「結緣‧福至」和風水引限量版尊貴禮盒，唔理係以大紅色既日式禮盒及立體水引為主題，定係由韓國引入既食品，依款內藏3款限量版既水引利是封絕對拜年送禮既最佳選擇！
由1月7日起，大家如果係PopWalk天晉滙消費滿指定金額，或The Point會員以指定積分，就可以換領1套3款既「結緣‧福至」和風水引限量版利是封1包，每包會有6個同款利是封；或「結緣‧福至」和風水引限量版尊貴禮盒，每盒內含18個利是封(分3款，每款6個)、1盒韓國濟州茶(5包)、1盒皇玥唐果子(2個)，以及1盒手工蝴蝶酥(5件)。
