PMQ元創方係新一年亦為大家帶黎新活力，會場已經有不倒翁兔子同埋大型福兔等緊大家。咁得意既兔仔想帶返屋企？大家亦可以去換領「花開福兔」匙扣，等福兔成年都陪住你，帶俾你滿滿既祝福同運氣！     

「春暖花開 福兔滿堂」賀年打卡位

到時係地面中庭，將會有超過50隻大小唔一樣既不倒翁兔子等候大家既到來，唔理大家點樣推佢地，佢地都會彈返起身，藉此支持大家新一年繼續反彈不倒。除左可以感受到滿滿既活力氛圍，同福免玩既過程之中，相信大家都會展露出洋溢既笑意！

同時，會場亦特設三隻超過2米高既大型福兔，大家如果上前推或者搖福兔，台邊就會產生活力光影，等路過既人都嘆為觀止。緊係順便趁依個機會去IG到post返個story，等大家都見到咁型既一面！

「花開福兔」匙扣

今次PMQ元創方更加邀請本地設計團隊 Future Dept. x COMING-SOON Studio 為大家將「春暖花開 福兔滿堂」既平面設計成可愛既立體匙扣，俾大家作收藏紀念，可愛得黎仲十分次實用，帶出街話唔定其他人都會問你係邊到買！

換領既方法亦都十分之簡單！大家可以係活動期間於場內作任何消費活動，憑即日收據就可以換領「花開福兔」匙扣一個及50元購物優惠券一張，又或者等到大年初一至初四既免費派發匙扣時間。而50元購物優惠券，大家則可以係PMQ元創方指定店舖消費滿150元後使用。想換既記得係1月13日直至2月5日去到PMQ元創方A座地下服務中心進行換領！

「全家福．兔滿堂」網上有獎遊戲

大家係農曆新年期間，只需要將同福兔合影打卡既「全家福」照片投稿上載到PMQ元創方Facebook既招募帖子中，並標註2位親友並回答問題，最多Like數量既3位就有機會得到即影即有相機連相紙套裝一份，等你無時無刻都可以同朋友影相，留低最溫馨既回憶！遊戲詳情及條款，大家都記得留意返PMQ社交平台。