PlayStation將會係2023年2月22日推出PlayStation VR2。不過係黎緊既11月15日將會公開預售相關既產品，其中亦包括10款全新PS VR2遊戲。如果玩家想要快人一步搶先體驗全新既PlayStation VR2，就記得唔好錯過今次既預購！

PS VR2產品

PlayStation將會推出PlayStation VR2（HK$4,580），包含PS VR2頭戴裝置、PS VR2 Sense控制器和立體聲耳機；PlayStation VR2《地平線山之呼喚》組合包（HK$4,980），內含《地平線 山之呼喚》既PlayStation Store兌換券代碼、PS VR2頭戴裝置、PS VR2 Sense控制器和立體聲耳機；PlayStation VR2 Sense控制器充電座（HK$398），可以等各位透過簡單既一插即用設計，唔邢要連接到PS5主機，亦可以為PS VR2 Sense控制器充電，唔佔用主機既USB連接埠。

PlayStation VR2 Sense技術將會有4個關鍵功能去提升玩家既遊玩體驗，其中包括裝置回饋、眼動追蹤、3D音效，以及PS VR2 Sense控制器既自適應扳機。此外，頭戴裝置仲會有經過強化既控制器追蹤功能以及4000 x 2040 HDR影像格式既視覺效果，配搭上整合式通風口和鏡頭調整旋鈕，令整個設計更輕薄。

PS VR2新遊戲

伴隨PS VR2既誕生，PlayStation亦即將推出左10款係PS VR2上玩既新遊戲，其中包括《黑相集：之字路VR》、《Crossfire: Sierra Squad》、《The Light Brigade》、《Cities: VR – Enhanced Edition》、《Cosmonious High》、《Hello Neighbor: Search and Rescue》、《侏羅紀世界餘波系列》、《Pistol Whip VR》、《Zenith》、《After The Fall》。等我為大家介紹其中兩款，睇下大家會唔會有興趣！

《黑相集：之字路VR》

依款雲霄飛車式動作恐怖射擊遊戲之中，玩家既所見所聞同一舉一動將會影響玩家既生死。遊戲之中，玩家將會係唔同地方有住唔同既故事劇情，例如係扭曲幻影肆虐既幽靈船求生、於17世紀美國新英格蘭地區抵抗受迫害「女巫」既怨靈威脅、沙漠底部既異界吸血鬼領域中搏命抗戰，以及迴避殘虐噬血連環殺人魔既追殺。

而係VR2之下，玩家亦可以透過觸覺回饋去感受雲霄飛車產生既顛簸、翻轉、轉彎以及下墜。玩家失誤既時候，頭戴裝置亦會發出回饋。最後就係PS VR2既眼動追蹤功能，製作出只會係使用者眨眼時移動既敵人，並活用PS5既3D音效，令到惡魔既細語聲就好似係你既耳邊講野。

《The Light Brigade》

故事講述玩家將會加入對抗黑暗的既Light Brigade行列，深入Sunken World既旅程，當中亦會有敵方勢力伺機而動，玩家需要策略性地穿越茂密森林、冰封山脈以及遭遺忘既墓園，並用上唔同既魔法去擊退暗影。

使用到VR2後，遊戲之中既冒險氛圍加上十分真實既物理槍械射擊機制，將會為玩家帶黎最極致既槍戰體驗。而係Sunken World中拯救戰友，可以令到你既神殿總部得到提升並解放新既商店以及職業。同時，Light Brigade中一步一步晉升位階，亦會解放新既武器以及獨特法術。