黎緊四款PlayStation VR2遊戲將會推出，大家應該都好心急想快啲試下佢，不過試唔到都唔緊要！我地黎睇下遊戲簡介先！
《地平線 山之呼喚》
大家聽得多野外，但係又未試過真係體驗野外既生活？《地平線 山之呼喚》幫到你！帶上PlayStation VR2頭戴裝置後，眼前壯觀廣闊的景色同你未去過既新地區將會令你畢生難忘，遊戲會以第一人稱遊玩，你會扮演一名被俘虜的前暗影卡爾加戰士，在荒野中為左生存落去而戰鬥。當中濃厚既真實感無所不在，唔理係爬上懸崖射箭，拉弓定懸崖下的風景都十分逼真。
《Resident Evil Village》
唔知各位有冇玩過《RE7》？冇錯，依個就係《RE7》既進化版！係PS VR2既設備下，當中既視覺體驗會更立體、逼真，第一人稱視角加上VR，再加上只有小刀和手槍，令到故事情節更加緊張、恐怖。體驗版後期更有玩家被綁架既劇情，被拖行時，PS VR2頭戴裝置會模擬這段遭遇，運用觸覺回饋提供微微震動的感覺。中意玩恐怖遊戲既你一定唔可以錯過！
《The Walking Dead: Saints & Sinners – Chapter 2: Retribution》
身為第一人稱射擊生存遊戲，角色身上會有唔同既槍枝、近戰武器和背包，即使喪屍逼近，都要實際伸手至左肩拿取背包先可以。當中同喪屍既戰鬥都好刺激，唔單止需要調整手部的握持位置，仲要有精準度先可以擊退佢地！如果你想使用槍枝，遊戲內都設有唔同種類，例如左輪手槍、衝鋒槍、突擊步槍。最後提醒大家！武器重新裝填時，記得要學超級英雄一樣，做出一個快速既上膛動作 咁先夠型！
《Star Wars: Tales from the Galaxy’s Edge – Enhanced Edition》
唔單止搵武器既情況夠真實！俾怪物圍堵個時，要你真人動手去搵武器會有種奇妙既感覺，仲有沉浸式的聲音和觸覺回饋，令你分唔清遊戲同現實。遊戲會用到PS VR2 Sense控制器，當中既精準度可能會令唔少玩家需要時間去適應。唔同玩家仲會有唔同既任務，扮演唔同既角色或者遇見出名的角色，例如R2D2、C-3PO和尤達大師，其他一系列既角色，都構造出迪士尼樂園中實際的「Star Wars: Galaxy’s Edge」園區體驗，令人樂而忘返！
