又到週末，大家返工返學返左一個禮拜，星期六日都想出去行下，放鬆下。既然係咁，住係沙田附近既你話唔定會對新城市廣場既新活動有興趣，仲可以邊玩邊嬴禮物，何樂而不為！

「沙田友」優惠

新城市廣場作為沙田地標，有好野又點會唔益返自己人先！為左慶祝全新打造既Play Park，9月17至18日期間，「沙田友」可以免費獲贈以下其中一張電影戲票（一路瞳行／神探伽利略／雞兔聯盟／命懸2000尺）。除左戲飛，「沙田友」仲可以得到Play Park玩樂券、兒童主題體驗館「Yum Me Play」現金優惠券，以及「秋日嘉年華」玩樂證，等你開心去玩一玩！

「秋日嘉年華」

係9月25日（星期日），新城市廣場會係1期L3戶外平台舉行一個「秋日嘉年華」。嘉年華有遊戲，又點可以冇表演！活動當日仲會有Busking同埋大家都中意既One Piece Cosplay打卡騷，等你有機會同真人動漫造型、One Piece的超巨型7米高路飛公仔一齊影張相，集齊One Piece既郵票！

Play Park

黎到重頭戲Play Park！佔地兩層總共60,000平方呎既Play Park將會係9月30日起開始試業，入面有得玩、有得睇、有得行，其中就有新加坡親子遊樂中心「Kiztopia」、 兒童全面體驗平台「Yum Me Play」、仲有大家都聽開既「歡樂天地」會以嶄新太空主題幻彩登場、輕黏土藝術角落「Artco Sumo」同埋手工織品藝術「0.9144M」等等。係試業期間，仲會有「消費FUN FUN賞」計劃，消費既同時都可以賺取超過$300既禮物。如果有幸成為消費最高，仲有得去世界各地既主題樂園！未試業之前亦有一系列既工作坊，例如：The White Box Creative Space by Little Prince Art「自助油畫工作坊」，The Monster Lab「Let’s Cook工作坊」，可以俾小朋友開開心心咁玩之餘，仲可以幫助佢地全面發展！當然唔少得0.9144m「俄羅斯刺繡工作坊」，俾大家體驗一下刺繡既感覺。

打卡勝地

最後當然唔少得打卡勝地！到時新城市廣場將於L3拱形玻璃天幕廣場設置打卡位，唔單止有唔少色彩斑斕的小角色同大家打招呼，仲有繽紛的汽球串、巨型「PLAY」字眼打卡位等等，等大家可以一邊打卡，一邊迎接「Play Park」既來臨！