誠品係３月為大家準備一連串活動及展覽，當中不論復古定係充滿生命氣息，咩種類都有，緊有一款啱你心水！其他國家都開放通關既情況下，冇理由唔去2023誠品旅行節行一圈！

2023誠品旅行節

2023年既誠品旅行節將會有兩個活動，分別係【Bon Voyage!】以及《永遠有人在曠野：以巴流離》中東旅行分享會。【Bon Voyage!】（活動連結）將會幫大家好好地為下一次旅行作好準備。由3月1日至4月30日，大家只要去到全線誠品書店出示實體機票票尾，並於誠品書店單筆消費滿HKD280，即減HKD30。而消費滿HKD350或以上，更可獲得限定誠品書店行李牌一個。

而《永遠有人在曠野：以巴流離》中東旅行分享會（活動連結），則會帶大家遊走中東地區，彷彿走上一張流動既地圖，透過伍珩既分享，等大家可以聽到「險惡」之地旅行既故事。想聽既記得係3月11日14：00～15：30到銅鑼灣店9/F Forum收聽！

誠品主題展覽／活動推薦

第一個展覽就係珍重香港Hong Kong Heritage圖片展（活動連結），唔理係物質非物質，定係有形無形，保育之餘，今次更加想令大家理解背後核心價理既理解以及承傳，並以香港城市、文化及大自然遺產為主題，帶大家重新思考「文化遺產」的定義，以及對於香港的價值。即日起至3月30日，只要到銅鑼灣店9/F Forum就可以見到！

而故事坊既與H.Y老師一起玩聲音遊戲、色彩派對故事坊（活動連結），將會有兩個主題。分別係《點點玩聲音》，等小朋友一起照著文字指示「喔！」「啊！」和「哇嗚！」，發現聲音的樂趣；《彩色點點》，等小朋友係書頁上觸摸、塗抹，讓書頁注入生命，體驗色彩巧妙既變化與無限可能。有興趣既親子可以分別係3月5及12日，16：30～17：30到銅鑼灣利園2期3/F感官故事館參加！

大家都可以係3月19日 16：30～18：00 去尖沙咀店 3/F Mini Forum既【影出想像人生分享會《Hong Kong Devotion 香港情熱》】（活動連結） ，當中莫亨健將會講述20年拍攝期間既經歷，穿梭大城小街，拍攝風土人情、文化、社區特色等，更會講到攝影如何啟發佢既人生路，以及點樣伴佢走過低谷。

誠品書店職人自策展

3月1日至4月30日，銅鑼灣店、尖沙咀店、太古店精品文具館將會舉辦復古辦公室（活動連結），帶大家係現今快節奏既生活下，重返到以往既年代，藉由唔同復古文物，走入舊時光既蛻變、成就新時代既經典。

銅鑼灣店既獨特主題 — 我的訴求就是上班（活動連結），亦會係3月1日至3月31日係8/F平台舉行。有得揀，邊個會想做社畜！由今日起，將職場既牛鬼蛇神統統踢走，開啟職場求生日常！

最後一個要介紹既係白紙人生（活動連結），大家將會係3月1日至4月15日係屯門店正門側主題櫃見到。每個瞬間、每個決定、每個煩惱同挑戰都係為我地既人生增添上唔同既色彩，並藉此塑造成不同形態既你我他，而你又會係點樣呢！