近日德福廣場既Market Place迎黎左全新開幕，伴隨住既除左有超過10,000呎既佔地面積，仲有超過11,000款全球新鮮食材，唔理係各位上班一族定係家庭主婦，一定都可以係裹面搵到自已既心水貨品！        

精選新鮮食材

Market Place亦持續為咁多位顧客帶黎世界各地超過1,300款既食材。大家想食特色蔬菜或者水果既話，可以試下佢地接近五毫大小既澳洲巨無霸藍桑子、又甜又多汁既韓國秋雪士多啤梨、爽脆
爆甜既美國加洲黑糖波子無核提子、保留一半水份既日本和歌山半乾柿乾、不用化學肥料、農藥或激素既三個零蔬菜以及本地種植既珊瑚菇等等。

除左蔬菜或者水果，緊係唔少得要有唔同既海鮮同肉類！唔理係Market Place每日限量供應既法國鮮活麵包蟹、生猛青斑、新鮮鮑魚定係已處理乾淨既餸包，都係大家買返去做晚餐既首選！而肉類方面，Market Place仲會以半價發售但馬屋精選日本和牛，並獨家發售澳洲Chef Mama慢煮系列牛肉、羊肉以及無激素添加雞肉。

上班族必買

相信大家係有限既午餐時間下都想食得健康，而Market Place既馬來西亞人氣No.1既沙律碗就一定幫到你，當中更加有特製沙律醬，配以不同配料，等你可以揀一款啱心水既同時，仲可以轉口味！

做完成日野，少不了買返杯野飲慰勞下自已！Market Place今次亦有同本地茶飲品牌茶狼合作，推出8款茶狼既特色茶飲，包括三款最受歡迎茶飲：水果四季春、荔枝白露茉莉茶及珍珠烏龍奶茶。

除左牛角包，咁多位上班一族放左工都可以去試下唔同芝士味濃郁既蛋糕，等自已忙碌既一日劃上個完美既句號，其中包括：柚子芝士蛋糕、士多啤梨芝士蛋糕以及巴斯克焦香芝士蛋糕。

限時優惠

而係新開張期間，Market Place更加有一系列既限時優惠！由即日至12月1日，全線紅酒、白酒、汽酒或香檳購買，6支享85折優惠，買12支更享8折優惠；MOET & CHANDON 皇室香檳會以優惠價$340發售，並可同時享有以上買6支或12支享85折或8折既優惠；全線清酒8折；每天限量20隻既法國鮮活麵包蟹（約500-600克）每隻HK$148；而係11月25至27日則會有青森縣王林蘋果HK$19/2個以及長野縣甜信濃蘋果HK$23/2 個。限時優惠好快就完，大家記得快手去入貨返屋企！