隨住唔同既商場都開設聖誕既打卡位，置富Malls亦都唔例外咁開設左四大槳園等大家去玩之餘，仲可以同大家童年既My Melody影返唔少既靚相！買夠仲可以換領限定既My Melody週邊，大家記得趁依個時候去收集My Melody！
冬日樂園四大場景
活動期間係馬鞍山廣場，大家就可以見到「巨型聖誕樹小火車樂園」！到時My Melody會披上小披肩，手執心型棒棒糖，陪住大家穿過5米粉紅聖誕樹下既無限心心鏡面隧道。當中以My Melody可愛粉紅頭套造型為設計既摩天輪包廂仲可以幫各位增加浪漫甜蜜既氛圍，真係又甜蜜又有聖誕氣氛！
黎到+WOO嘉湖，就會有「馬卡龍糖果屋Café」。女僕造型既My Melody會係到幫大家準備唔同既甜食，並係My Melody Café既蛋糕櫃前面，主動向客人推薦多款美味蛋糕。如果大家有時間既，My Melody仲會走到以充滿馬卡龍既糖果車，耐心地向各位介紹士多啤梨味馬卡龍以及心形波板糖！
除此之外，置富都會會有一個「夢幻旋轉木馬樂園」。My Melody到時唔單止會同大家一齊坐係佈滿冬甩及士多啤梨裝飾旋轉木馬之下，仲會主理著旋轉木馬旁的人氣爆谷機，真係聽到都已經流曬口水！
最後就係置富第一城既「熱氣球浪漫升空樂園」。My Melody會企係4米高的熱氣球隔離，同大家一齊搭熱氣球升空。My Melody玩完熱氣球之後，仲會去玩跳樓機及過山車，唔理大家中意刺激定輕鬆既活動，依個樂園都有得去俾你揀！
限定換領My Melody週邊
由11月19日開始，如果大家係置富Malls指定單一商場內任何2間不同商戶分別累積消費滿HK$500或HK$800，就可以換領聖誕限定「My Melody暖笠笠紙巾盒套」同埋「My Melody甜蜜抱抱圍裙」。「My Melody暖笠笠紙巾盒套」可以用裝係我地平時既盒裝紙巾套上，等我地日常生活中都可以感受到My Melody既可愛；而著上「My Melody甜蜜抱抱圍裙」，就會諗起甜蜜，依個時候製作出各種甜入心扉既美食就完全冇難度！