全新熱血又搞笑既日劇《五個相撲的少年》將會係2022年10月26日於Disney+開播，咁多位即使對相撲完全唔認識都唔緊要，只要你去睇，就可以笑返餐飽！當中以大學生既視角去描寫，仲會帶你返去學生時代！
劇集演員
《五個相撲的少年》除左有原班演員，包括竹中直人、清水美沙、田口浩正、六平直政以及柄本明，仲會有新生代演員葉山獎之、伊原六花、佐藤緋美、高橋里央以及森篤嗣出演。依個組合可以等大家保有電影版回憶既同時，仲可以增加全新既元素同火花，真係令人覺得十分之期待！
故事大綱
劇集將會延續1992年同名經典電影既故事，試圖將相撲運動依類相撲運動展現俾大家既同時，延續30年既經典故事。故事講到森山亮太因為成日沉迷係電動遊戲之中，搞到唔夠學分畢業。而為左有足夠既學分去畢業，森山亮只好加入相撲部，並同當時隊長兼唯一隊員大庭穗香一齊接受訓練，成為一名相撲選手。當中森山亮同大庭穗香有唔少既摩擦，甚至一度打算退會，不過最後都留低菅黎。
雖然佢地成功解決左一個問題，佢地仍然有一個問題，就係唔夠人去參加團體比賽。因此，佢地開始出發去招攬唔同既成員，其中就包括隱青電玩迷加藤俊、芭蕾舞大叔野口廉以及自戀健美運動員伊藤悠真。雖然搵到足夠人選，但係冇接觸過相樸運動既佢地，理所當然地俾其他人睇衰。一次又一次既落敗令到大家開始有想放棄既心，好彩前成員既鼓勵，大家先再次認真學習相撲，成個故事熱血得黎又十分感動！
演員訪問
男主角葉山獎表示當佢見到電影版的相撲部前成員都會參與劇集版，同新會員一同參與相撲部既事務，感到十分興奮！同時，葉山獎之亦認為觀眾順着劇情去睇，代入故事中的大學相撲部成員，整體既感受會變得更深刻！女主角伊原六花就提及到，如果觀眾有看過電影版，將會以唔同角度去看待依套劇集，咁既話會變得十分有趣！而劇集中既男女混合賽，仲會為觀眾對相撲運動有嶄新的視角！