Follow左小薯茄或者有睇過Viu既應該都會對全死角美少女麗英有印象，最近麗英擔任宣傳女主角，幫Disney+做一波大力宣傳。唔知麗英做左咩，搞到大家見到個宣傳片笑曬出黎呢！

《我和殭屍有個約會》宣傳片

麗英係宣傳片擔任女主角都一如既往咁搞笑！係片中，麗英化身做花痴，向兩位「月老」求男友，既然係求男友，好自然就要列出佢既心水對象，擇偶條件。冇諗過麗英講既條件實在係意想不到，其中包括古天樂、梁朝偉、謝霆鋒、郭富城，就連最新既台灣劇集《台北女子圖鑑》既張孝全同《我和殭屍有個約會》的男主角尹天照都有份。咁既擇偶條件實在係叫月老好難做，唔通麗英又會帶起又一波既模仿風潮？！不過聽講其實麗英係想呼籲支持香港本地製作，唔知佢既願望又實唔實現到呢！

片後訪問

當然亦唔少到下麗英現實生活入面既擇偶條件係咪同宣傳片既一樣，畢竟現實好難搵到個十全十美既對象。對於依條問題，麗英都表示，其實長情又肯陪伴對方係最重要，而佢最中意既男星就係柯震東。對於拍攝過程，麗英都話佢覺得好興奮，機會難得又可以欣賞Disney+既全部男神，亦期望會有更多更好既香港本地作品，最後佢地講到當初睇月老係上Disney+睇，睇個時都忍不住喊左出黎。果然月老依套劇既淚點連全死角美少女麗英都頂唔住，唔知黎緊Disney+仲會推咩新既劇集呢？真係等唔切！