今個聖誕節，馬鞍山MOSTown新港城中心聯同「嘉頓」一齊黎陪大家過聖誕！場內設有唔少既嘉頓經典食品打卡位既同時，更有唔同既聖誕遊戲俾大家玩，就連花環工作坊都有！記得要登記完H．COINS會員先可以享有全部既優惠！
三大打卡位
嘉頓經典食品係活動期間將會化身為唔同既打卡位，等大家有個機會可以去同童年回憶影返張相！首先要去既就緊係朱古力手指餅設計而成既4.5米高聖誕樹！之後，大家就可以到達3米高既經典香蔥薄餅！最後，大家仲可以去到由經典生命麵包變身而成既3米高巨型生命麵包車。到時候大家影完相並上載到個人Instagram及hashtag #MOSTown新港城中心，#Garden嘉頓及Follow “MOSTownhk”，就可以獲得嘉頓小食一份！（數量有限，送完即止）
三個打卡點當中既嘉頓時光穿梭展覽館除左會首次公開嘉頓更首次公開展出1960年第一代生命麵包以藍白格仔為主既包裝設計、2001年特別推出歷代獨一無二證書號既4款嘉頓車系模型紀念版、童年必食的巨星雪條等，仲會重現30至40年代以當時嘉頓車輛造型既絕版托星標誌餅乾盒、50至60年代不同題材既圖案糖果罐、50年代「月餅會」分期付款紙、全港首創鐵盒月餅罐及60年代嘉頓小食宣傳海報等等，大家記得唔好錯過！
兩大聖誕遊戲
大家打完卡，拎完嘉頓小食之後仲可以去L2換領站玩場內既聖誕至趣滋味互動遊戲以及至「趣」聖誕HoHoHo！聖誕遊戲。雖然兩個活動既獎賞都係指定商戶優惠券或嘉頓禮品包一份，但參加方法就有所唔同。聖誕至趣滋味互動遊戲方面，想玩既大家需要於MOSTown以電子貨幣即日消費滿$300或以上；至「趣」聖誕HoHoHo！聖誕遊戲則只需要成為H．COINS會員並「讚好」MOSTown新港城中心Facebook專頁！
H．COINS會員獨家活動
活動期間，H．COINS會員亦會有獨家活動「聖誕快樂購物遊蹤」，只需要到參與商戶掃瞄二維碼，集齊3個印花後就可以獲得「嘉頓聖誕滋味小食」一份。此外，H · COINS會員仲會有「Garden環保花環工作坊」，等大家可以即場製作充滿嘉頓經典元素既聖誕花環。如果大家即場成為會員並「讚好」MOSTown新港城中心Facebook專頁，就可以免費換領嘉頓經典小食！
係11月19日至12月4日，H · COINS會員以電子貨幣單一消費每滿HK$250，經手機APP自助上載或親臨L3會員專區，登記商戶機印發票及相符既電子貨幣交易存根成功賺取COINS後，就可以得到専屬指定電子印花1枚。集齊3枚専屬電子印花後就可以免費換領嘉頓子母藍白格仔圍裙套裝或聖誕限定零食包；12月5日至2023年1月2日，H · COINS會員以電子貨幣單一消費每滿HK$400，登記並集齊3枚専屬電子印花亦可以換領嘉頓多士爐，嘉頓迷你焗爐，嘉頓子母藍白格仔圍裙套裝＋麵包型陶瓷碟一套，麵包型陶瓷碟+聖誕限定零食包一套既其中一樣！