太古城中心今個冬天為大家帶黎「Story Traveller」主題活動，大家除左可以欣賞高達7個既打卡點，仲可以係依趟聖誕旅程中創造屬於自己既故事，等自已既創意以及奇想得以用係現實世界，並盡情享受依個冬天！
7大打卡位
係故事既一開始，大家可以去到11米高既聖誕樹下欣賞夢幻漸變色既主題裝置，搭配上大型立體花朵及插畫師創作既繪圖，等大家有個靚地方打卡之餘，亦為整個旅程劃上一個好開始！下一站，大家可以去到「踏進故事大世界」，唔理係跳上故事繪本上大影小人國般既鬼馬照片，定係走入去巨型故事書，化身為封面主角都冇問題！
而去到「窺探聖誕小劇場」，大家仲可以欣賞《雪人》、《胡桃夾子》及《北極快車》3大經典聖誕故事繪本裝置，當中既真實感滿分，角色就好似同大家互動緊一樣！
想睇雪人又點可以唔去「幻彩泡泡雪人」！場內會有5米高既巨型雪人裝置，加上一個個既夢幻泡泡雪球等緊大家，搭配上無間斷地閃耀著漸變燈效，真係一流既享受！
今次既故事，仲會有色彩繽紛既胡桃夾子去陪伴大家！「立正！胡桃夾子」擁有270個不同色彩既胡桃夾子打造而成既聖誕樹十分壯觀，大家一定要去睇下依個顏色盛宴既聖誕樹！
到時既「冰屋極光漫遊」亦會帶大家去去睇難得一見既極光景象。除此之外，大家仲可以坐係主題冰屋內，聽住柔和音樂欣賞極光，係忙碌既生活之中放鬆一下！
最後黎到「沉浸彩飾聖誕」，本地插畫師親將會親自繪畫隧道背景，每兩星期就會加入新一位插畫家既作品。同時，大家只需要掃描場內活動二維碼，即可即時製作屬於個人的聖誕彩飾！
聖誕卡尋寶歷奇
活動期間，大家都可以係商場尋找並掃描2個散落既指定插畫碎片二維碼，就可以用換領碼去換取由本地插畫家設計的聖誕卡一張，而4款既聖誕卡亦可組成一幅插畫故事，大家想拎齊曬又真係要加油！4款聖誕卡特別既地方在於有口述影像，等視障人士都可以一同遊經典故事，而每送出一張聖誕卡，太古城中心亦會捐出HK$5到香港盲人輔導會，為他們帶來一份滿載心意既聖誕祝福，更有電子版聖誕卡俾各位視障人士！
精彩禮遇
大家除左可以去玩以北極聖誕快車為主題既心理測驗，分析出最適合你既節日風格同聖誕禮物提案！而係2022年12月1日至27日，大家係太古城中心消費滿指定金額並成為LIVE+正式會員，即可換領唔多款精彩禮遇，其中包括：The Body Shop身體護理套裝，Häagen Dazs外賣雪糕火鍋經典套裝，Marks & Spencer聖誕禮品籃，大家只要買滿一定既價錢就可以換領！