《MONSTER HUNTER RISE》將會係2023年1月20日係唔同平台登場，就連Game Pass都有支援，並由今日起接受預約。搭配住全新平台既係更優質以及更全面既遊戲體驗，大家又準備好開始全新既旅程未呢！

預購特典

大家依家進行預購，將會得到「變身尋回犬」（隨從加爾克外觀裝備），「變身森林貓」（隨從艾路外觀裝備），以及遊戲初期實用既「新手護石」。不過只有係HKT 2023年1月19日（四）23:5９前預購既玩家先可以獲得預購特典。預購特典日後有可能提供其他獲取途徑，而外觀裝備只會改變外觀。

新平台既主要特徵

全部新平台皆會支援高解析度和高幀率，玩家除左可以透過解析度設定同幀率設定等來調整畫質之外，仲可以用到高清化貼圖材質，以更精緻的畫面享受遊戲，唔理係4K解折度/60fps定1080p/120fps都支援到！

另一個特徵就係支援3D音效。除左Xbox One之外，其他平台都會支援3D音效，等大家可以有更加身臨其境既遊戲體驗，無論係狩獵場，魔物定係獵人既動作，都會透過增加「深度」和「高度」等立體效果既聲音，等狩獵既過程更加真實！

同時，咁多個平台亦支援自適應扳機，等各位玩家都可以體驗到槍手扳機以及被盾防禦時既感覺。最緊要係大家可以遊玩其他平台上既免費大型更新內容，而相對應既版杠就會係《Monster Hunter Rise》（Ver.10），包括「秘紅赫耀的天彗龍」、「霞龍」、「炎王龍」和「鋼龍」等追加魔物。而部分可獲得特殊報酬既活動任務亦會由發售日起發佈。

全新狩獵體驗

首先會有既係全新風潮既「翔蟲」動作，「翔蟲」會飛向獵人指示的方向，並使用特殊既「鐵蟲絲」把獵人拉近，而將全14種武器同獨特既攻擊結合埋一齊，更加可以創造出全新既狩獵動作！

當中亦會擁有獨特生態的魔物，以象徵本作既「怨虎龍」為首，並以風以及妖怪為主題設計各個魔物，更會有多隻新舊魔物陸續出現。而依家就連魔物都可以「操龍」！

除此之外，亦會有支援狩獵的隨從們。可靠既拍檔「隨從加爾克」將會全新登場，狩人騎乘隨從加爾克時可自由操作，唔會消耗獵人耐力。單人遊玩既時候仲可以帶住最多兩匹「隨從艾路」和「隨從加爾克」前往狩獵。

故事方面，主角一邊向住頂尖獵人既目標奮鬥，一邊要同神火村既同伴一齊克服50年先有一次既「百龍夜行」。而「百龍夜行」係指強大魔物同多隻魔物組成既「魔物群」來襲。獵人唔單止要使用狩獵設備以及武器，仲要使用能夠豪邁地操縱魔物既「操龍」黎對抗魔物。

而「集會所任務」則可以最多4人一同遊玩。獵人可以運用大廳功能在據點內集合，或是在任務中邀請他人參加，就可以同其他獵人一同狩獵。同時係發售當天亦會免費發佈可以支援獵人攻略初期任務既防具「公會十字系列」以及護石「傳家護石」。