今個農曆新年，MOKO新世紀廣場為大家準備左一連串既新年活動，除左會推出同「日系本地」既插畫家Mr.Japin合作既可愛日本利是封，更加係商場設有5大打卡點以及大抽獎，不妨黎睇下活動點精彩法！ 

可愛日本利是封

今次MOKO亦會聯同Mr. Japin推出新春利是封，Mr. Japin十分擅長用插畫記下日本可愛的點滴。而係今次既利是封之中，Mr. Japin則會以以童趣可愛造型描繪出招財貓、飯糰、富士山及達摩既場景，配以玩味祝福語帶出新春祝願，就好似富士山配以「心中有富」、達摩配以「飛黃騰達」、招財貓配以「貓肥家旺」、飯糰配以「食極唔肥」，等大家笑住咁過新年！

五大打卡位

講到日本又點可以冇富士山！「粉紅兔兔富士山」亦帶有唔少既含意係裹面！日本人相信新年如果能夢見富士山，象徵一整年既運勢都會十分好。話唔定到時大家圍著富士山逛一圈就可以遇到一段幸福緣份！

而搭配上大眼睛既「幸福伏見稻荷大社則」，則可以為你既幸福、姻緣以及健康祝願，大家都可以藉住依個機會為新一年設下唔同既祝願！

當然唔好唔記得去探下「豪德寺招財貓」，放滿招財貓既豪德寺除左會為到訪者帶黎財運，更加會為到訪者增添幸福既緣份！

仲有「吉祥三色達摩」！日本人想祈求好運個時就會擺放達摩擺設，不過如果大家想加強運氣，就可以行到場內既「吉祥三色達摩」，分別代表平安幸福、戀愛及金錢運，一定可以令你運氣爆燈！

最後唔好唔記得去一樓長廊既浪漫櫻花小路打卡！3米高櫻花樹配以可愛造型既吉祥物，場景十分IGable之餘，話唔定仲可以係到開始屬於你既浪漫緣份！

新春花墟二重賞

MOKO亦為大家準備左一站式既購物優惠，大家首先可以逛花墟買花，之後再於MOKO出示花墟購物的發票或年花及場內即日HK$100電子消費單據，就可以換領HK$100新年及情人節電子禮券及免費泊車券。同時，憑電子禮券仲可以半價入手糖果、情人節朱古力及蔘茸海味等等禮品，真係爆多著數！

冬日跨年大抽獎

而今次MOKO新世紀廣場更加同YOHO MALL攜手推出「MOKO X YOHO MALL冬日跨年大抽獎」。The Point會員由即日至2023年1月21日，於MOKO即日以電子貨幣單一消費滿$500，就可以獲得1次抽獎機會，不限登記抽獎次數。獎品亦十分豐富，包括：TOYOTA Sienta 7座豪華版、OSIM uDream Pro 5感養身椅、DELONGHI全自動即磨咖啡機、iPhone 14 Pro Max（256GB）、多款黃金鑽飾及人氣家品電器等等，大家都可以黎試下自已既運氣！