美心西餅係今個聖誕亦都推出左唔少活動，當中除左有迪士尼聖誕系列蛋糕，亦推出三款奇妙聖誕蛋糕。同期更加會有聖誕大抽獎以及推廣活動俾大家去參與，等大家聖誕都有多款既蛋糕相伴！

美心西餅迪士尼聖誕系列

首先會有《幻想曲》慶祝蛋糕，當中除左會有罕見既兩層造型，頂層仲會有米奇魔法師造型發光玩具燈，全人手造訂購，淨係得300個！

除此之外，美心西餅亦會推出三款迪士尼角色造型蛋糕及甜品，其中包括：米奇與好友款聖誕朱古力蛋糕加上米奇米妮發光造型玩具； 史迪仔款雪屋雜果蛋糕配以時令鮮果以及幼滑鮮忌廉；鋼牙與大鼻款聖誕樹頭蛋糕則以綿密朱古力蛋糕配搭香脆榛子碎為主。同時亦會有米奇與米妮、史迪奇及三眼仔造型既聖誕雪球甜品杯，並以士多啤梨味雜果啫喱為基底，中意士多啤梨既你都唔好錯過！

而係聖誕禮物方面，該系列亦有米奇款飄雪毛氈以及三眼仔款飄雪毛氈俾大家去揀，等大家冬天都可以好好咁保暖！當然唔少得米奇與好友款保溫袋，唔單止容量大到可以裝到原個美心迷你蛋糕盒或三個迪士尼系列聖誕雪球甜品杯，冷熱食物都仲可以保溫，好睇得黎又十分實用！

Magical Cake’smas奇妙聖誕蛋糕系列

係依個系列，美心西餅亦會推出三款可愛既造型蛋糕，其中包括：頂層以雲呢拿味慕絲包裹着香甜士多啤梨醬、白朱古力杏仁脆脆配以紅絲絨蛋糕碎既聖誕老人士多啤梨慕絲蛋糕；夾著口感煙靭美心皇牌mochi既美心mochi芒糍馴鹿蛋糕；有住時令鮮果既聖誕老人雪橇雜果蛋糕，唔理係邊款都十分有特色！

美心西餅奇妙聖誕大抽獎

由即日起至2023年1月1日，美心西餅App會員只需要係分店／官網買$100或以上原個蛋糕就可以參加大抽獎，獎品總值高達港幣200萬！頭獎得獎者更可獲香港迪士尼樂園酒店雙人住宿一晚（名額10個），人人有獎，買左蛋糕既各位都唔好唔記得去抽下！

聖誕推廣活動

今個聖誕，美心西餅亦會係觀塘裕民坊1樓112號舖美心烘焙所為大家呈獻唔同既活動。由12月2至6日，頭100位購買聖誕蛋糕既客人可以獲得迪士尼攬枕一個；12月9至13日，購買聖誕蛋糕之客人將可獲得迪士尼聖誕雪球甜品杯一個；而係12月2至20日，店內更有尋寶活動，完成兩個任務即可獲得迪士尼小禮物一份！

另外亦設有2個任務：大家只需要手持打卡道具係指定打卡位影相並發佈到個人Facebook或Instagram，再標註@hongkongmaximscakes及hashtag #MagicalCakesmas，之後再係主題店內尋找三個印有迪士尼朋友既二唯碼，並掃一掃，就可以獲得三個店內限定版Instagram限時動態濾鏡！