想過一個温馨浪漫既情人節，除左要有精心揀選既禮物之外，緊係唔少得食返餐好既先得！今次Market Place除左推出限量稀有士多啤梨及心型牛扒，更會推出情人節心甜優惠，等大家情人節過得甜甜蜜蜜！   

稀有士多啤梨限量推出

Market Place今次為大家係日本、韓國等地搜羅多達10款士多啤梨，包括：稀有、顏色夢幻既日本淡雪士多啤梨、一次可品嚐兩個品種既日本雙色士多啤梨、香氣四溢既日本戀稔士多啤梨、低至$45既香甜韓國士多啤梨等等。除左中意食士多啤梨既你可以買之餘，大家仲可以將唔同既士多啤梨結合為一個心型，為伴侶送上驚喜又浪漫既情人節禮物！

限定心型牛扒

2月10至14日，Market Place更加會以優惠價$139發售限定精選心型澳洲安格斯西冷牛扒，等大家既燭光晚餐更有情調！除此之外，Market Place亦有唔同既牛扒俾大家揀，包括：澳洲和牛肉眼／西冷牛扒及加拿大肉眼/西冷牛扒。前菜方面，亦有Ocean’s Favourites煙三文魚供大家選擇！

情人節心甜優惠

Market Place同期亦會推出情人節限定優惠。由即日至2月19日，Market Place將會有美酒特價優惠，指定美酒會以低至75折發售，包括：瑪姆GC玫瑰香檳（原價$359，優惠價$300），以及巴黎之花不記年香檳（原價$470，優惠價$350）。

而即日起至2月16日，Market Place亦會有朱古力甜蜜優惠，Godiva既四款朱古力會以接近7折發售，分別為焦糖牛奶朱古力盒106.5克（原價$78，優惠價$55）、榛子牛奶朱古力盒106.5克（原價$78，優惠價$55）、黑朱古力醬盒裝106.5克（原價$78，優惠價$55）、覆盆子夾心黑朱古力112.5克（原價$78，優惠價$55）。

情人節又點少得送花呢！由即日起至2月10日，大家只需要去到yuu to me網購平台，簡簡單單就可以預訂心意鮮花花束，而花束將會係落單四日後送貨（星期日除外）。