機械鍵盤大家就見得多啦，一般都係黑黑實實為主，以色彩玩味為重真係少至有少，今日等小編同大家開隻望到開心，設定又過癮的機械鍵盤比大家 – Logitech POP KEYS !

打開包裝盒後，POP KEYS 被一層印有 emoji 圖案的 “雪梨紙” 包裏，整體賣相相比電腦產品，更似一份日本禮盒，玩味感由包裝設計上完全呈現。

解開所有包裝紙後，真身終於出現！

鍵帽呈圓型，鍵程都深，打字感豐富，而且採用茶軸，按鍵聲音相對其他軸寧靜，想體驗機械鍵盤而又擔心聲太響，POP KEYS 真心不錯.

POP KEYS 主打一鍵即按 emoji 功能，所以設有 5 位特別按鍵，透過 Logitech設置工具軟件設定，配合適當鍵帽，變身一鍵 Emoji！（隨機附送 9 個 emoji 鍵帽）

POP KEYS 亦同時支援 3 部不同電腦裝置，若果平板電腦，電腦及手機需要轉換，只需按一下，便會啟動連結，十分省時。

用後感 :
整體融合復古及撞色元素，剌激眼球外，亦意外地合襯，造功及手感佳，相信日後官方有機會提供更多不同 emoji 供大家選購。另外，小編希望能夠加入 Backlight，令晚上工作亦豪無難阻。

外觀：⭐️⭐️⭐️⭐️⭐️
功能：⭐️⭐️⭐️⭐️
價格：⭐️⭐️⭐️

購買傳送門 : Logitech Shop