由2022年10月14日至11月13日，上環信德中心將會變成一個籃球之地，當中除左有唔同既零售娛樂體驗，仲有唔少難得一見既限量版模型及籃球鞋系列等緊大家去睇下！今次唔睇都唔知仲有冇機會可以見到！
活動展覽
展覽入面有唔同地方好值得大家去睇下！第一個就係由本地潮物收藏家SoleAddicttUNDS及HK-Kicks借出既稀有珍藏，當中50 對Nike Dunk Low，37對特別版Nike Air Jordan，仲有極罕有既1992 Air Jordan VII “BUGS BUNNY，總值過千萬港元。今次唔睇既話，之後都好難再搵得返！
下一個就緊係要去睇下會場之中為左紀念高比傳奇既1：1超震撼高比拜仁模型以及12吋1：6可動人偶既球壇傳奇人物模型，就好似米高佐敦、洛文、艾佛遜、奧尼爾、柏賓以及奴域斯基都有，身為NBA迷既你一定要去打卡睇下！
會場當中仲有全球唯一既Air Jordan珍藏紀念品是展覽，BARRDERLESS將會破天荒首次展出全球唯一一套該1984年發佈會紀念品套裝既完整珍藏，包括邀請卡、帽子和蝶形領結。當年只有獲邀出席發佈會既貴賓先有，可見十分珍貴！
最後就係Tamashii Boy，Tamashii Boy由當代雕塑藝術家、跨領域設計師Keo.W一手去創造出黎，可愛人偶有個籃球陪伴住佢，帶俾人一種籃球氣息。大家記得要去同Tamashii Boy立體雕塑及一系列Tamashii Boy身穿各美國籃球隊隊衣的畫作影返張靚相！
消費優惠
活動之中仲有幾個消費優惠，其中就有：係信德中心任何商戶買滿$50並持有同日BALLDERLESS門票既大家，就可以獲得BALLDERLESS運動護腕乙隻；如果購買BALLDERLESS限定商品滿HK$200就可以獲得成人門票或小童門票一張（包含10個免費遊戲金幣及成場禮品一份）；而買BALLDERLESS限定商品滿HK$300，就會獲得成人門票或小童門票兩張（包含20個免費遊戲金幣及成場禮品兩份）；使用Mastercard買飛既各位亦可以得到限量BALLDERLESS運動護腕乙隻。