相信大家都有聽過艾頓莊或者聽過佢既音樂，依位殿堂級巨星，黎緊就會到達巡迴演唱會最終站，為佢既音樂生涯畫上一個完美既句號。Disney+到時候亦會為大家進行即時直播，等大家唔會錯過依個時刻。
最後演出
今年既11月，艾頓莊將會返到當初一舉成名既道奇體育場，以作為告別樂壇前既最後一場演出地方。當中，艾頓莊會為大家帶黎無數家傳戶曉的經典金曲，其中包括：《Candle In The Wind》、《Can You Feel the Love Tonight》、《Circle of Life Tonight》等等。而為左俾全球各地既大家都可以見證到依個一生只有一次既時刻，Disney+將會係香港時間2022年11月21日早上11：30進行獨家直播。當日仲會有長達3小時既直播，向艾頓莊致敬既同時，亦向佢為全港音樂業作出既貢獻致敬，到時11：30將會以《Countdown to Elton Live》為演唱會揭開序幕，場景一定十分震撼！
訪談內容
適逄今次係「搖滾太空人」艾頓莊既最後一場演出，艾頓莊就講到今次對佢黎講十分特別，除左可以感受道奇體育場內歌迷既力量之外，仲感受到世界各地睇直播既觀眾既力量，亦希望大家都可以盡情享受依日既到來。
迪士尼品牌電視總裁Ayo Davis就講到艾頓莊為音樂以及文化帶黎既影響無與倫比，並表達出今次既演唱會將會被寫入史冊，而Disney+都十分開心可以向大家帶黎今次既直播，提供大家近距離體驗。
而黎自Fulwell 73 Productions 的 Gabe Turne以及 Ben Winston則提到艾頓莊既音樂一直以黎都係佢地生活既配樂，亦十分感恩今次有機會可以同艾頓莊以及迪士尼團隊合作，相信會係事業或個人上的一大里程碑。
艾頓莊原創紀錄片
身為一代傳奇，只有直播最後一次既演出並唔夠。Disney+係2023年仲會有原創紀錄片《Goodbye Yellow Brick Road: The Final Elton John Performances and the Years That Made His Legend》，並由榮獲奧斯卡金像獎提名既R.J. Cutler以及製片人David Furnish所製作。原創紀錄片中會講及艾頓莊唔同既生活事跡，例如：過去50年來從未曝光的綵排及演唱會片段、獨家個人片段及採訪、艾頓莊職業音樂生涯首5年出類拔萃的成績等等。紀錄片係影展和戲院上映後，就會係Disney+上線，到時大家就可以去Disney+睇！