第一部集結左警察、救護、消防既緊急救援韓劇《救急先鋒日誌》由開播到依家都飽受好評，當中除左活受唔同既題材以及場景去營造兇緊迫氣氛，更加用到三方前線人員既專業術語，緊湊得黎又十分專業！
零號警報
係《救急先鋒日誌》第一集就已經出現左最高危險級別既綁架案，當中一名女仔係深夜被變態男子襲擊後綁架加上大動脈受傷，流血不止，更加有機會係一小時內身亡！雖然受害者使用智能手錶報警，但佢唔知道實際位置，好彩警察主角陳浩介叫女仔係單位縱火，再透過高溫偵測，最後以另類既救援形式搵到女仔既地點，不過第一集就已經咁樣，實在十分意想不到！
V30警報
而V30警報則代表嚴重車禍危急救援。第4集之中，消防員奉道鎮以，救護員宋雪及陳浩介接到車禍警報，見到有個小女孩被撞飛至路邊既巴士亭上，而奉道鎮及宋雪需要係窄小既空間施救，情況緊張卻展現出救護與消防既臨危不亂，等觀眾一同屏息靜氣等候救援。後黎發現原來車禍肇事者正是受傷小女孩既繼父，希望以車禍騙取保險金，藉此揭示出人性善惡之情節。
黑色警報
黑色警報意味住發生爆炸既恐怖威脅，第5集之中，一個「貴利」集團因迫害債仔而被告上法庭，向法庭所提供既借據被鑑證奉安娜質疑為偽造合約，而集團為了阻止她，選擇佈局炸毀實驗大樓，並以鈉金屬當作爆炸媒介，只要遇到水將會引起爆炸。當中既救援過程十分驚險，不過結局就唔講住，等大家自已探索先！
紅色警報
紅色警報代表火災緊急警報，第6集之中係廢棄工地食堂既火災，由於火勢過於猛烈，消防員奉道鎮勇敢堅持拆開屋頂，挺身而出向屋內灌水以盡快滅火，當中既滅火場面真係俾人《烈火雄心》既即視感，真係緊張到爆！
