科賦近日發表三款全新既SSD，滿足電競玩家以及專業創作人既需求。三款產品將會係2022年第4季內上市，並係各大網路電商平台同實體店面販售，大家等緊既時候都可以睇下佢地既特點以及優勝之處。
CRAS C930
CRAS C930除左提供1500 TBW既超耐久生命周期以及DRAM快取緩衝去應付工作上龐大既需要，當中仲有PCIe Gen4x4傳輸介面同最新NVMe 1.4協議標準，比起以往既固態硬碟（SSD）有更加優秀既性能。同時，2TB既容量亦帶有每秒最高7400／6800 MB既循序讀取／寫入速度，以及高達1000K IOPS既4K隨機讀取／寫入次數。
而作為優秀既SSD，CRAS C930既規格與效能唔單止適用於個人電腦與筆記型電腦，更加相容於PS5遊戲主機需求。產品亦附帶特殊設計既鰭狀鋁質散熱亦可發揮高達20%既降溫效能，令整體速度唔會因為過熱而降低。
CRAS C910
同CRAS C930一樣，CRAS C910亦配有NVMe 1.4協議既PCIe Gen4x4傳輸介面去滿足遊戲以及專業創作需求。當中選用3D TLC 快閃記憶體芯片，令CRAS C910可以係1TB既容量上擁有每秒5000／4800 MB既循序讀取／寫入效能。而附帶既薄型黑白色調鋁質散熱片則最多可以有10%既散熱效果，用家都可以自行選擇用唔用。
CRAS C730
CRAS C739採用NVMe 1.3協議既PCIe Gen 3×4傳輸介面，滿足你想要高CP值既需求。CRAS C730亦搭配唔同既科技，其中包括：DRAM 快取緩衝，並支援自我監控、分析與報告技術，相信都可以為用家解決唔少既煩惱。而512GB、1TB或2TB容量既選擇都充滿彈性，特別係2TB既容量款式擁有高達每秒3700 MB既循序讀取速度。
