2020年眨眼間就已經接近尾聲，相信香港人今年喺日常生活上有好多習慣包括聽歌習慣都改變咗。但相信無論事物如何改變，都有音樂陪伴我哋一齊度過。JOOX今日公布嘅2020音樂年度回顧，披露港人喺新常態下聽歌、唱K、睇音樂會以及音樂口味等方面嘅大數據。喺大家都要帶住口罩過嘅一年，邊個歌手或者邊首歌成功引起大眾共鳴？無咗實體演唱會，音樂會轉到線上直播，大家又適唔適應呢？JOOX年度回顧記錄低哂用戶喺音樂娛樂上嘅一點一滴。[the_ad_placement id=”ad2″]
無論生活如何改變 音樂依然係我哋嘅一部分
香港人今年嘅生活方式同以往截然不同，例如多咗時間留喺屋企並且減少社交活動，而JOOX本地用戶收聽音樂嘅習慣亦都出現咗一個小改變：喺好多打工仔WFH嘅日子，用戶聽歌嘅時間分佈比較平均，無局限喺任何時段；到大部分港人復課復工嘅時候例如係九至十月，用戶每日聽歌嘅最高峰時間就轉為返工放工時間，即朝早8點及傍晚6點。其他用戶聽歌數據仲有：
喺WFH嘅日子，JOOX香港用戶平均每日會聽超過20首歌
唔知係咪因為星期一至五大家都留咗喺屋企努力工作同學習，一到週末都會出外抖抖氣，所以星期六日係相對較少人聽歌
留喺屋企時間太耐，煲劇睇戲可謂其中一個最受歡迎嘅Kill time活動。原來計計埋埋，JOOX 香港用戶喺2020年入面聽歌嘅總時間，係相等於連續翻煲超級英雄系列所有電影100萬次
大家嘅心情、狀態同感受，好多時都會反映喺大家聽歌嘅選擇上。以下十首係今年最多JOOX香港用戶收聽嘅歌曲，又睇吓今年經歷咗咁多起跌嘅你有冇共嗚？
最多人收聽嘅歌曲（排名不分先後）：
How you like that – BLACKPINK
一人之境 – 林家謙
凡人不懂愛 – 胡鴻鈞
我該放手 – JC 陳詠桐
別為我好 – 許靖韻
別為我好（我未夠好版）– 林奕匡、許靖韻
呼吸有害 – 莫文蔚
哀的美敦書 – Dear Jane
零分 – 曾若華 JUDE
銀河修理員 – Dear Jane
回顧完2020年金曲後，當然要揭曉最受歡迎嘅歌手啦！陳奕迅同埋容祖兒最近先後推出新歌《致明日的舞》、《是但求其愛》以及《東京人壽》成為人氣話題，而佢哋嘅其他作品依然受香港樂迷歡迎，令兩位成功冧莊成為本年度最多人收聽嘅男女歌手！至於組合方面，Dear Jane成功登頂，摘下本地最多人收聽嘅組合第一位！
最多人收聽嘅人氣男歌手：
第一位：陳奕迅
第二位：周杰倫
第三位：周柏豪
最多人收聽嘅人氣女歌手：
第一位：容祖兒
第二位：G.E.M. 鄧紫棋
第三位：鄭秀文
最多人收聽嘅組合：
第一位：Dear Jane
第二位：BTS
第三位：BLACKPINK
聽歌以外嘅音樂娛樂大數據 — 港人唱K睇直播節目數量急升
JOOX除咗俾用戶可以隨時隨地聽歌之外，更可以唱K同睇直播。當中K歌服務包括「拍住唱」功能等大家可以唱歌拍片以及同偶像互動送禮物，而今年新增嘅「快唱」功能就可以畀用戶自選心水部分點唱。
可能大家留喺屋企嘅時間真係長咗好多，我哋發現K歌功能使用量有顯著增長，過去一年間共錄得超過59萬首K歌作品，較去年急增三倍。
本年度唱得最多次數嘅五首K歌入面，有四首都同時係最多人收聽嘅歌曲，可見大家鍾意聽之餘亦鍾意唱，身體力行支持自己嘅最愛：
第一位：一人之境 – 林家謙
第二位：凡人不懂愛 – 胡鴻鈞
第三位：原來有愛 – 譚嘉儀
第四位：銀河修理員 – Dear Jane
第五位：別為我好 – 許靖韻
除K歌功能外，JOOX今年亦準備咗好多音樂會同埋節目比大家Staycation期間細心欣賞。JOOX今年直播咗近200場音樂Live Show、超過170個歌手單位為大家帶嚟賞心悅目嘅精彩表演，當中包括年初舉行一連兩個周末嘅《JOOX音樂選宅》，共邀請超過20個音樂單位用音樂同樂迷在家抗疫。而8月份更加聯同華納唱片攜手打造一連四個月《JOOX Staycation Live》線上音樂會，由四位華納歌手及組合，包括林欣彤、衛蘭、許廷鏗及Dear Jane隔空為樂迷獻上多首好歌， 同時為港人打打氣。
此外，我哋更發現香港用戶好鍾意喺平台上互動，支持心愛歌手及一班隱世「K皇K后」，活躍用戶全年留言數量達580萬、「俾Like」數更超過1,000萬。一班忠實聽眾亦鍾意送出禮物以示支持，香港用戶今年全年更喺JOOX一共送出咗價值超過2,100萬JOOX金幣嘅禮物！
大量K-Pop娛樂節目內容 用戶可以隔空同偶像互動交流
講到香港人聽歌嘅口味， K-Pop依然十分強勢！ 上面提及2020年最多人收聽嘅組合，BTS以及BLACKPINK就穩守咗第二同埋第三名。JOOX香港用戶除咗會聽K-Pop歌外，更鍾意收睇韓國音樂頒獎禮及其他節目直播。喺2020年JOOX先後獨家直播多個大熱音樂節目，包括第29屆首爾歌謠大賞（Seoul Music Awards）、韓國人氣選秀節目《I-LAND》，以及韓國樂壇年度盛事Mnet亞洲音樂大獎 （MAMA）。而JOOX亦破天荒首度推出自家製原創K-Pop音樂直播節目《IDOL STATION》，等K-Pop 粉絲可以同一眾心愛嘅oppa男神線上傾吓偈！
無論世事如何改變，JOOX依然會緊守崗位，於2021年繼續為大家帶嚟數之不盡嘅音樂娛樂體驗，呈獻不同類型嘅音樂活動以及節目，密切期待JOOX嘅來年動向！
想隨時隨地收聽音樂、觀賞音樂短片和表演活動直播？只須於Apple App Store 或Google Play Store 下載JOOX手機版及桌面版應用程式，或瀏覽JOOX 網站，即可免費收聽各類型的音樂及觀賞表演直播。立即下載，踏上優質音樂旅程！
