雖然大家可能未必可以去日本住，但係就算人身在香港都可以感受到試到日本在地既香港美食。日清近日推出多款既產品系列，唔理係餃子，點心定主食都應有盡有，想留係屋企但又想食得滋味既你記得買返幾包！

日清餃子

餃子方面，日清分別推出左煎餃子以及雞軟骨棒餃子俾大家。煎餃子外皮細薄，係餃子裹面既豚肉以及蔬菜鮮味多汁，食既時候再蘸上醋包及香辣麻油包，真係令人一試難忘，大家用黎煎既話，仲可以透過炸至微焦，去令到餃子更加香脆。如果唔想煎，炸都係其中一個選擇！雞軟骨棒餃子方面，日清以棒餃子作為原形，內餡既雞軟骨令當中既豬肉味道更加豐富，無論係煎煮、氣炸定微波爐加熱，都可以令到煎餃皮咬口得黎仲保有鮮味，真係令人流曬口水！

日清中華街風味點心

日清為左等大家係屋企都可以食到點心，亦推出左叉燒風味腸粉，叉燒風味包以及鮑汁珍珠雞。其中叉燒風味腸粉既腸粉皮白滑細緻，搭配上惹味既叉燒醬，即使你係蒸定用微波爐加熱，係任何時候都可以食到傳統既香港腸粉。而叉燒風味包就緊係要蒸返個黎試下！係重重既蒸氣中拎出熱騰騰既叉燒包，一啖咬落去，當中既叉燒加上惹味叉燒醬，真係令人一試難忘！鮑汁珍珠雞中既秘製鮑汁簡直為食材畫龍點睛，加上軟硬程度適中既糯米飯，味道口感層次十足。蒸又得，微波爐加熱都得！

日清意粉

意粉方面，日清亦有紅酒燴牛肉風味闊條麵以及忌廉番茄蝦肉闊條麵去等大家揀。兩個都需要微波爐加熱，但紅酒燴牛肉風味闊條麵以經典法國菜「紅酒燴牛肉」為藍本既概念，加上自身濃厚醬汁，咬落去下下都帶有住牛肉味及酒香，而且蘑菇亦令整個口感提升！忌廉番茄蝦肉闊條麵則口感豐富，帶有鮮甜番茄、香滑忌廉煮成既醬汁，加上彈牙蝦肉以及菠菜，可以講得上係色香味俱全！

日清拉麵

最後黎到拉麵系列，日清有濃厚魚介豚骨味叉燒拉麵以及海老辣味噌味叉燒拉麵。濃厚魚介豚骨味叉燒拉麵以豚骨味濃湯為基底，魚介湯底之中亦加入鰹魚風及蜆貝，彈牙拉麵加上叉燒，點都要買返個黎試下！想食辣既各位都可以試下海老辣味噌味叉燒拉麵，辣味味噌湯底當中加入香濃的蝦味，兩者結合而成十分開胃，一食就唔會想停落黎！